ប្រធានរដ្ឋសភាវៀតណាម លោកស្រី Nguyen Thi Kim Ngan អញ្ជើញធ្វើទស្សនកិច្ចនៅខេត្ត Kon Tum
នាថ្ងៃទី ១៨ ខែមីនា ប្រធានរដ្ឋសភាវៀតណាម លោកស្រី Nguyen Thi Kim Ngan បានអញ្ជើញដឹកនាំក្រុមការងារនៃគណៈកម្មាធិការអចិន្ត្រៃយ៍រដ្ឋសភាមកបំពេញទស្សនកិច្ចការងារនៅខេត្ត Kon Tum។
ក្នុងក្របខ័ណ្ឌនៃដំណើរទស្សនកិច្ចនេះ ប្រធានរដ្ឋសភា លោកស្រី Nguyen Thi Kim Ngan បានអញ្ជើញទៅទស្សនាភូមិវប្បធម៌ទេសចរណ៍សហគមន៍ Kon Pring និងក្រុមហ៊ុនចំកាត់ MTV Thien Son នៅឃុំ Dak Long ស្រុក Kon Plong។
|
|
ប្រធានរដ្ឋសភា លោកស្រី Nguyen Thi Kim Ngan អញ្ជើញថ្លែងមតិក្នុងជំនួបធ្វើការ |
រីឯក្នុងជំនួបធ្វើការជាមួយថ្នាក់ដឹកនាំខេត្ត Kon Pong និងខេត្ត Kon Tum លោកស្រីប្រធានរដ្ឋសភាបានទទួលស្គាល់ និងកោតសរសើរចំពោះលទ្ធផលដែលបក្សភាគ រដ្ឋអំណាច និងប្រជាជនខេត្ត Kon Tum សម្រេចបាន។ លេចធ្លោបំផុតគឺសេដ្ឋកិច្ចបន្តមានការរីកចម្រើនប្រកបដោយស្ថិរភាព ជាមួយនឹងផលិតផលសង្គមសរុបក្នុងឆ្នាំ ២០១៨ កើនឡើង ៩,២៨% បើប្រៀបធៀបទៅនឹងឆ្នាំ ២០១៧ សម្រេចបានលើសពីគោលដៅដែលគ្រោងទុក។
ប្រធានរដ្ឋសភា លោកស្រី Nguyen Thi Kim Ngan បានស្នើឱ្យខេត្ត Kon Tum នាពេលខាងមុខ ត្រូវផ្តោតលើការកេងយកផលប្រយោជន៍ក្នុងស្រុក ដូចជាការអភិវឌ្ឍ រោងចក្រឱសថ កសិកម្មប្រើប្រាស់បច្ចេកវិទ្យាខ្ពស់ទេសចរណ៍ អេកូទេសចរណ៍ និងទេសចរណ៍សហគមន៍។ ទន្ទឹមជាមួយគ្នានោះ ម្ចាស់ការក្នុងការទាក់ទាញវិនិយោគ ផ្ទេរប្តូររចនាសម្ព័ន្ធសេដ្ឋកិច្ចឲ្យមានភាពខ្លាំងក្លាជាងទៀត ដើម្បីធ្វើឱ្យខេត្តកាន់តែសម្បូរធូរធាពីមួយថ្ងៃទៅមួយថ្ងៃ៕
តាម vovworld.vn