វៀតណាមចាត់បញ្ជូននាយទាហានបន្ថែមទៀតទៅបំពេញបេសកកម្មរក្សាសន្តិភាពនៅស៊ូដង់ខាងត្បូង
កប.អនឡាញ - នារសៀល ថ្ងៃទី១៣ ខែកុម្ភៈ នៅទីស្នាក់ការក្រសួងការពារប្រទេសវៀតណាម ដោយទទួលសិទ្ធិពីលោកប្រធានរដ្ឋ លោកឧត្តមសេនីយ៍ឯក Nguyen Chi Vinh អនុរដ្ឋមន្ត្រីក្រសួងការពារប្រទេស និងជាប្រធានគណៈកម្មាធិការបញ្ជានៃក្រសួងការពារប្រទេសអំពីការចូលរួមបេសកកម្មរក្សាសន្តិភាពរបស់អង្គការសហប្រជាជាតិ បានប្រគល់សេចក្តីសម្រេចជូនលោកវរសេនីយ៍ទោ Nguyen Kim Tinh កម្មាភិបាលនាយកដ្ឋានរក្សាសន្តិភាពវៀតណាមទៅជំនួសវរសេនីយ៍ត្រី លោកស្រី Do Thi Hang Nga ទើបវិលត្រឡប់មកប្រទេសវិញក្រោយពីបញ្ចប់អាណត្តិបេសកកម្មរក្សាសន្តិភាពរបស់ខ្លួននៅស៊ូដង់ខាងត្បូង។