វៀតណាមនិងគុយបា ជំរុញទំនាក់ទំនងកិច្ចសហប្រតិបត្តិការលើគ្រប់វិស័យ
កប.អនឡាញ - នាថ្ងៃទី១៣ ខែកញ្ញា នៅទីស្នាក់ការមជ្ឈិមបក្ស អគ្គលេខាបក្សកុម្មុយនិស្តវៀតណាមលោក Nguyen Phu Trong បានទទួលជួបលោក Salvado Valdés Mesa សមាជិកការិយាល័យនយោបាយ អនុប្រធានទីមួយនៃក្រុមប្រឹក្សារដ្ឋ និងទីស្តីការគណៈរដ្ឋមន្ត្រី សាធារណរដ្ឋគុយបា និងជាប្រធានគណៈប្រតិភូរបស់បក្ស រដ្ឋ នៃប្រទេសគុយបា ដែលកំពុងបំពេញទស្សនកិច្ចនៅវៀតណាម និងចូលរួមសកម្មភាពរំលឹកខួបអនុស្សាវរីយ៍លើកទី៤៥ នៃដំណើរទស្សនកិច្ចរបស់ អគ្គមគ្គុទេសគុយបាលោក Fidel Castro មកតំបន់រំដោះភាគខាងត្បូងវៀតណាម (ខែកញ្ញា ឆ្នាំ១៩៧៣/ខែកញ្ញា ឆ្នាំ២០១៨)។
ជំនួសមុខបក្ស រដ្ឋ និងប្រជាជនគុយបា លោក Salvado Valdés Mesa បានមានគោលបំណងចង់ជំរុញទំនាក់ទំនងប្រពៃណីដ៏ល្អប្រសើរ កិច្ចសហប្រតិបត្តិការលើគ្រប់វិស័យរវាងបក្សទាំងពីរ រដ្ឋទាំងពីរ និងប្រជាជននៃប្រទេសទាំងពីរ ឲ្យកាន់តែស៊ីជម្រៅថែមទៀត។
|
|
លោកអគ្គលេខាបក្ស Nguyen Phu Trong ទទួលជួបលោក Salvado Valdés Mesa (រូបថត៖ vnanet.vn) |
លោកអគ្គលេខាបក្ស Nguyen Phu Trong បានវាយតម្លៃខ្ពស់ចំពោះផែនការនៃកិច្ចសហប្រតិបត្តិការរវាងប្រទេសទាំងពីរ លើវិស័យសេដ្ឋកិច្ច ពាណិជ្ជកម្ម វិនិយោគ និងការចែករំលែកបទពិសោធន៍ទៅវិញទៅមក។
លោកអគ្គលេខាបក្ស Nguyen Phu Trong ក៏បានអះអាងថា ទំនាក់ទំនងពិសេស វៀតណាម-គុយបា ដែលបង្កើតឡើងដោយលោកប្រធានហូជីមិញ និងអ្នកដឹកនាំគុយបាលោក Fidel Castro គឺជាទ្រព្យសម្បត្តិមិនអាចកាត់ថ្លៃបានទេ ហេតុដូច្នេះបក្ស រដ្ឋ និងប្រជាជននៃប្រទេសទាំងពីរត្រូវតែរក្សា ការពារ និងពូនជ្រំ ដើម្បីផលប្រយោជន៍រួមរបស់ប្រទេសទាំងពីរ និងបុព្វហេតុបដិវត្តន៍របស់បក្សទាំងពីរ៕
បកប្រែដោយ Huyen Trang