ជម្រុញឲ្យពិធីប្រណាំងគោ Bay Nui ក្លាយជាពិធីប្រណាំងគោអន្តរជាតិ
កប.អនឡាញ - គណៈកម្មាធិការប្រជាជនខេត្ត An Giang ភាគខាងត្បូងវៀតណាមទើបតែផ្ដល់សច្ចាប័នលើគម្រោងអភិរក្ស និងពង្រីកពិធីប្រណាំងគោ Bay Nui ខេត្ត An Giang ក្នុងបំណងជម្រុញឲ្យពិធីប្រណាំងគោ Bay Nui ក្លាយជាពិធីប្រណាំងគោអន្តរជាតិ ដោយមានការចូលរួមពីប្រជាជនកម្ពុជា និងប្រជាជននៃបណ្តាប្រទេសក្នុងតំបន់អាស៊ីអាគ្នេយ៍។
ថវិកាសរុបនៃគម្រោងសម្រាប់ដំណាក់កាល ២០២០-២០២៥ មានចំនួនប្រមាណ ៥.៨ ពាន់លានដុង។ ពិធីប្រណាំងគោ Bay Nui ខេត្ត An Giang ត្រូវបានរៀបចំឡើងក្នុងឱកាសបុណ្យសែនដូនតារបស់ជនជាតិខ្មែរនៅតំបន់ណាមបូ ប្រទេសវៀតណាម។
គម្រោងនេះមានបំណងអភិរក្ស និងពង្រីកតម្លៃនៃបេតិកភណ្ឌវប្បធម៌ កសាងទិសដៅទេសចរណ៍ រួមចំណែកអភិវឌ្ឍសេដ្ឋកិច្ច សង្គមរបស់តំបន់មូលដ្ឋាន៕
បកប្រែដោយ Thuy Anh