ទីក្រុងហូជីមិញឈ្នះរង្វាន់ធំនៅក្នុងពានរង្វាន់ទេសចរណ៍ពិភពលោក ២០២៥

តាមនោះ ទីក្រុងហូជីមិញបានទទួលពានរង្វាន់គោលដៅទេសចរណ៍អាជីវកម្មឈានមុខគេរបស់អាស៊ី (ចាប់ពីឆ្នាំ ២០២២ ដល់ឆ្នាំ ២០២៥); គោលដៅទេសចរណ៍ឈានមុខគេសម្រាប់មហោស្រព និងព្រឹត្តិការណ៍របស់អាស៊ី (ចាប់ពីឆ្នាំ២០២២ ដល់ឆ្នាំ ២០២៥); ស្ថាប័នគ្រប់គ្រងទេសចរណ៍នៅមូលដ្ឋានឈានមុខគេរបស់អាស៊ី (របស់មន្ទីរទេសចរណ៍ទីក្រុងហូជីមិញ ចាប់ពីឆ្នាំ២០២៣ ដល់ឆ្នាំ២០២៥); គោលដៅសម្រាកលំហែកាយរយៈពេលខ្លីឈានមុខគេនៅទីក្រុងជាប់មាត់សមុទ្ររបស់អាស៊ី (Vung Tau ទីក្រុងហូជីមិញ)។

ជ្រុងមួយនៃទីក្រុងហូជីមិញមើលពីខាងលើ

ការដែលទីក្រុងហូជីមិញទទួលបានពានរង្វាន់ទេសចរណ៍ពិភពលោកនេះបានបង្ហាញពីកិត្យានុភាព ភាពទាក់ទាញ និងសក្តានុពលអភិវឌ្ឍន៍ប្រកបដោយចីរភាពនៃវិស័យទេសចរណ៍របស់ទីក្រុង។ នេះមិនត្រឹមតែជាលទ្ធផលនៃកិច្ចខិតខំប្រឹងប្រែងរបស់ទីក្រុងក្នុងការលើកកំពស់គុណភាពនៃសេវាកម្ម និងធ្វើពិពិធកម្មផលិតផលទេសចរណ៍ប៉ុណ្ណោះទេ ថែមទាំងបង្ហាញនូវរូបភាពនៃទីក្រុងដែលមានភាពស្វាហាប់ ទំនើប ច្នៃប្រឌិត ពោរពេញទៅដោយអត្តសញ្ញាណវប្បធម៌ ដែលជាកត្តាជួយទីក្រុងហូជីមិញរក្សាភាពទាក់ទាញពិសេសសម្រាប់ភ្ញៀវទេសចរជាតិ និងអន្តរជាតិ៕

បកប្រែដោយ Thanh Cong