អ៊ីរ៉ង់នៅតែបង្ហាញសុច្ឆន្ទៈ ក្នុងការរក្សាកិច្ចសហប្រតិបត្តិការជាមួយ IAEA
ទីក្រុងតេហេរ៉ង់នឹងរក្សាកិច្ចសហប្រតិបត្តិការជាមួយទីភ្នាក់ងារថាមពលបរមាណូអន្តរជាតិ (IAEA) ក្នុងបញ្ហាទាក់ទងនឹងការស្ដារឡើងវិញនូវផែនការសកម្មភាពរួមលើគ្រប់ជ្រុងជ្រោយ (JCPOA) ដែលបានចុះហត្ថលេខាកាលពីខែកក្កដា ឆ្នាំ២០១៥ រវាងអ៊ីរ៉ង់ និងក្រុម P៥+១ (រួមមានចិន បារាំង រុស្ស៊ី អាមេរិក អង់គ្លេស និងអាល្លឺម៉ង់)។
នេះជាការអះអាងរបស់អនុរដ្ឋមន្ត្រីការបរទេសអ៊ីរ៉ង់លោក Ali Baqeri នៅក្នុងបទថ្លែងសុន្ទរកថាកាលពីថ្ងៃទី ៣ ខែមករា នៅទីក្រុងតេហេរ៉ង់។
    |
 |
|
ទីកន្លែងផលិតអ៊ុយរ៉ានីញ៉ូម សម្រាប់រ៉េអាក់ទ័រនុយក្លេអ៊ែរនៅជាយក្រុង Isfahan (អ៊ីរ៉ង់) ខែមេសា ឆ្នាំ២០០៩ (រូបថត៖ AP) |
លោក Baqeri បានសង្កត់ធ្ងន់ថា ក្នុងនាមជាសមាជិកដែលមានទំនួលខុសត្រូវនៃ IAEA និងសន្ធិសញ្ញាមិនរីកសាយភាយអាវុធនុយក្លេអ៊ែរ និងក្នុងនាមជាប្រទេសដែលមានសមត្ថភាពនុយក្លេអ៊ែរ ចំណេះដឹង និងបច្ចេកវិទ្យា អ៊ីរ៉ង់តែងតែសហប្រតិបត្តិការយ៉ាងយកចិត្តទុកដាក់ និងមានប្រសិទ្ធភាពជាមួយ IAEA ហើយនឹងរក្សាកិច្ចសហប្រតិបត្តិការនេះយ៉ាងពិតប្រាកដ។
អ្នកការទូតអ៊ីរ៉ង់រូបនេះក៏បានរិះគន់សហរដ្ឋអាមេរិកចំពោះការផ្លាស់ប្តូរជំហររបស់ខ្លួនចំពោះ JCPOA ហើយបានអះអាងថា ការចរចាដើម្បីស្ដារកិច្ចព្រមព្រៀងនុយក្លេអ៊ែរឡើងវិញគឺជាដំណើរការជាបន្តបន្ទាប់។ វិធីសាស្រ្តអាចផ្លាស់ប្តូរ ប៉ុន្តែដំណើរការត្រូវតែបន្ត៕
តាម vovworld.vn