វៀតណាមអបអរសាទរចំពោះការរីកចម្រើននាពេលថ្មីៗនៅប្រទេសស៊ូដង់
កប.អនឡាញ - នាថ្ងៃទី២៥ ខែកញ្ញា ក្រុមប្រឹក្សាសន្តិសុខ អង្គការសហប្រជាជាតិបានអនុម័តសេចក្ដីសម្រេចចិត្តលេខ ២៥៤៤ ស្ដីពីការពន្យាពេលបំពេញភារកិច្ចរបស់កំលាំងបំពេញបេសកកម្មឃ្លាំមើលរបស់អង្គការសហប្រជាជាតិនៅប្រទេសកូឡុំប៊ី, ពិភាក្សាអំពីស្ថានភាពនៅប្រទេសស៊ូដង់ និងប្រតិបតិ្តការរបស់កំលាំងបំពេញបេសកកម្មជួយបង្រួបបង្រួមជាតិនៅសម័យអន្តរកាលនៃអង្គការសហប្រជាជាតិនៅស៊ូដង់ (UNITAMS)។
សេចក្ដីសម្រេចចិត្តលេខ ២៥៤៤ ត្រូវបានរៀបចំឡើងដោយប្រទេសអង់គ្លេសបានពន្យាពេលប្រតិបត្តិការរបស់កំលាំងបំពេញបេសកកម្មឃ្លាំមើលនៃអង្គការសហប្រជាជាតិនៅប្រទេសកូឡុំប៊ីដល់ថ្ងៃទី២៥ ខែកញ្ញា ឆ្នាំ២០២១។
    |
 |
|
លោក Dang Dinh Quy ថ្លែងក្នុងកិច្ចប្រជុំ (រូបថត៖ vov.vn) |
ចំពោះស្ថានភាពនៅប្រទេសស៊ូដង់ អគ្គលេខាធិការរងទាំងឡាយនៃអង្គការសហប្រជាជាតិបានបញ្ជាក់ពីកិច្ចសហការយ៉ាងជិតស្និទ្ធជាមួយរដ្ឋាភិបាលស៊ូដង់ និងរំពឹងថា UNITAMS នឹងរួមវិភាគទានយ៉ាងសកម្មក្នុងការបង្រួបបង្រួមជាតិនៅសម័យអន្តរកាលនៅប្រទេសស៊ូដង់។
ក្នុងកិច្ចប្រជុំ លោក Dang Dinh Quy ប្រធានស្ថានបេសកកម្មអចិន្រ្តៃយ៍វៀតណាមប្រចាំអង្គការសហប្រជាជាតិបានអបអរសាទរចំពោះការរីកចម្រើននាពេលថ្មីៗនៅស៊ូដង់និយាយរួម និងតំបន់ Darfur និយាយដោយឡែក ជាពិសេសគឺកិច្ចព្រមព្រៀងសន្តិភាព នាថ្ងៃទី៣១ ខែសីហា ឆ្នាំ២០២០៕
បកប្រែដោយ Thuy Anh