កិច្ចប្រជុំកំពូល G7 ត្រូវបានពន្យាពេល

លោក Donald Trump បញ្ជាក់ថា នឹងអញ្ជើញប្រទេសរុស្ស៊ី កូរ៉េខាងត្បូង អូស្ត្រាលី និងឥណ្ឌាចូលរួមកិច្ចប្រជុំកំពូលនារដូវស្លឹកឈើជ្រុះឆ្នាំនេះដែរ។ លោកបានឲ្យដឹថា កិច្ចប្រជុំអាចប្រព្រឹត្តទៅនៅខែ កញ្ញា ខាងមុខនេះ មុនឬក្រោយកិច្ចប្រជុំរបស់មហាសន្និបាតអង្គការសហប្រជាជាតិ។

លោកប្រធានាធិបតីអាមេរិក Donald Trump (រូបថត៖ AP)

សូមរំលឹកថា លោកស្រី Angela Merkel អធិការបតីអាល្លឺម៉ង់ បញ្ជាក់ថា លោកស្រីមិនចូលរួមកិច្ចប្រជុំកំពូល G7 ដែលគ្រោងនឹងប្រព្រឹត្តទៅនាខែមិថុនា។ នាថ្ងៃទី២៩ ខែឧសភា លោក Steffen Seibert អ្នកនាំពាក្យនៃរដ្ឋាភិបាលអាល្លឺម៉ង់បានឲ្យដឹងថា លោកស្រី Angela Merkel បានថ្លែងអំណរគុណចំពោះការអញ្ជើញរបស់លោក Donald Trump។   លោកស្រី Angela Merkel មិនចូលរួមកិច្ចប្រជុំកំពូល G7 នៅអាមេរិកនោះទេ ដោយសារបារម្ភពីស្ថានភាពជំងឺ Covid-19 នៅលើពិភពលោកនាបច្ចុប្បន្ន។

នាសប្ដាហ៍មុន លោក Donald Trump បានថ្លែងថា បានមកដល់ពេលដែលត្រូវរៀបចំកិច្ចប្រជុំ G7។ ព្រមទាំង លោកបញ្ជាក់ថា នេះនឹងជាសារមួយដែលបញ្ជាក់ឲ្យឃើញថាពិភពលោកកំពុងងើបឡើងវិញជាបណ្តើរៗទៅរកសភាពធម្មតាបន្ទាប់ពីវិបត្តិវេជ្ជសាស្ត្រនេះ៕

បកប្រែដោយ Thuy Anh