ការបោះឆ្នោតនៅសហរដ្ឋអាមេរិកឆ្នាំ ២០២៤៖ អនុប្រធានាធិបតីកាម៉ាឡា ហារីស ទទួលបានពិន្ទុនៅក្នុងរដ្ឋចំនួន ៦/៧
លទ្ធផលស្ទង់មតិសាធារណៈដែលចេញផ្សាយនៅថ្ងៃទី ៣០ ខែកក្កដា នៅសហរដ្ឋអាមេរិកបានបង្ហាញថា អនុប្រធានាធិបតីកាម៉ាឡា ហារីស ដែលទំនងជាបេក្ខជនគណបក្សប្រជាធិបតេយ្យនៅក្នុងការបោះឆ្នោតប្រធានាធិបតីអាមេរិកនាពេលខាងមុខ បានឈ្នះលើគូប្រជែងគណបក្សសាធារណរដ្ឋគឺលោក Donald Trump ក្នុងរដ្ឋចំនួន ៦/៧ ដែលជារដ្ឋសមរភូមិ។
ការស្ទង់មតិរបស់ Bloomberg News/Morning Consult ដែលធ្វើឡើងតាមអ៊ីនធឺណិតចាប់ពីថ្ងៃទី ២៤ ដល់ថ្ងៃទី២៨ ខែកក្កដា បន្ទាប់ពីប្រធានាធិបតី Joe Biden បានបញ្ឈប់កិច្ចខិតខំប្រឹងប្រែងបោះឆ្នោតរបស់ខ្លួន បានបង្ហាញថា លោកស្រី កាម៉ាឡា ហារីស បាននាំមុខលោក Donald Trump នៅរដ្ឋ Michigan ដោយ ១១ ពិន្ទុ ខណៈពេលដែលភាពខុសគ្នានៅក្នុងរដ្ឋ Arizona, Wisconsin និង Nevada គឺ ២ ភាគរយ។
    |
 |
|
លោកស្រី Kamala Harris ថ្លែងនៅ Washington, D.C. នាថ្ងៃទី ២២ ខែកក្កដា ឆ្នាំ ២០២៤ (រូបថត៖ vnanet.vn) |
ទន្ទឹមនឹងនេះ លោក Trump នាំមុខគូប្រជែងរបស់ខ្លួននៅរដ្ឋ Pennsylvania ដោយ ៤ ភាគរយ និងនៅ North Carolina ដោយ ២ ភាគរយ។ ជាពិសេស នៅរដ្ឋហ្សកហ្ស៊ី ភាគីទាំងពីរទទួលបានការគាំទ្រស្មើគ្នា។ Wisconsin គឺជារដ្ឋតែមួយគត់ក្នុងចំណោមរដ្ឋទាំងប្រាំពីរដែលលោក Trump បានបង្រួមគម្លាតជាមួយលោកស្រី ហារីស។
លទ្ធផលនៃការស្ទង់មតិត្រូវបានប្រកាសនៅថ្ងៃតែមួយដែលលោកស្រី ហារីស បានចាប់ផ្តើមយុទ្ធនាការផ្សាយពាណិជ្ជកម្មដ៏ធំដែលមានទឹកប្រាក់ចំនួន ៥០ លានដុល្លារ ជាមួយនឹងការរំលេចជាវីដេអូរយៈពេលមួយនាទីដែលមានចំណងជើងថា “មិនភ័យខ្លាច”។ នេះគឺជាយុទ្ធនាការផ្សាយពាណិជ្ជកម្មដ៏ធំបំផុតរបស់លោកស្រី ហារីស ចាប់តាំងពីលោកស្រីបានបង្រួបបង្រួមការគាំទ្រនៅក្នុងគណបក្សប្រជាធិបតេយ្យ បន្ទាប់ពីប្រធានាធិបតី Biden បានប្រកាសថា លោកនឹងឈប់ឈរឈ្មោះសម្រាប់ការបោះឆ្នោតឡើងវិញនៅថ្ងៃទី ២១ ខែកក្កដា ហើយសម្តែងការគាំទ្រលោកស្រីហារីស៕
តាម vovworld.vn