សហរដ្ឋអាមេរិក ជប៉ុន និងកូរ៉េខាងត្បូង បញ្ជាក់ជាថ្មីពីការប្តេជ្ញាចិត្តរបស់ខ្លួន ក្នុងកិច្ចសហប្រតិបត្តិការលើបញ្ហាកូរ៉េខាងជើង
បេសកជននុយក្លេអ៊ែរកំពូលរបស់កូរ៉េខាងត្បូង អាមេរិក និងជប៉ុន ទទួលបន្ទុកបញ្ហាកូរ៉េខាងជើង បានជួបប្រជុំគ្នានៅទីក្រុងតូក្យូ (ជប៉ុន) កាលពីថ្ងៃទី ៩ ឧសភា នៅខាងក្រៅកិច្ចសន្ទនាកិច្ចសហប្រតិបត្តិការអាស៊ីឦសាន (NEACD) ដើម្បីពិភាក្សាអំពីបញ្ហានានា ទាក់ទងនឹងកូរ៉េខាងជើង។
នៅក្នុងកិច្ចពិភាក្សានេះ បេសកជននុយក្លេអ៊ែរកំពូលមកពីកូរ៉េខាងត្បូង អាមេរិក និងជប៉ុនបានសង្កត់ធ្ងន់លើសារៈសំខាន់នៃការរក្សាកិច្ចសហប្រតិបត្តិការត្រីភាគីយ៉ាងជិតស្និទ្ធក្នុងដំណើរការដោះស្រាយបញ្ហាពាក់ព័ន្ធនឹងកូរ៉េខាងជើង ការលើកកម្ពស់សន្តិភាព និងស្ថិរភាពនៅឧបទ្វីបកូរ៉េ ក៏ដូចជាការចាប់ផ្តើមកិច្ចសន្ទនាឡើងវិញជាមួយក្រុងព្យុងយ៉ាង។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/05/11/upload_2117/14.jpg?dpi=150&quality=100&w=500) |
អគ្គនាយកទទួលបន្ទុកបញ្ហានុយក្លេអ៊ែរកូរ៉េខាងជើងនៃក្រសួងការបរទេសកូរ៉េខាងត្បូង លោក Lee Jun-il និងលោកស្រី Jung Pak មន្ត្រីជាន់ខ្ពស់អាមេរិកទទួលបន្ទុកបញ្ហាកូរ៉េខាងជើង ក្នុងអំឡុងពេលកិច្ចប្រជុំនៅទីក្រុងតូក្យូ (រូបថត៖ koreajoongangdaily.joins.com) |
នៅខាងក្រៅ NEACD នៅថ្ងៃដដែល (៩ ឧសភា) ឧបការីរងរដ្ឋមន្ត្រីការបរទេសអាមេរិកទទួលបន្ទុកអាស៊ីបូព៌ា-ប៉ាស៊ីហ្វិក លោកស្រី Jung Pak ក៏បានជួបពិភាក្សាជាមួយបេសកជនពិសេសរបស់ចិនទទួលបន្ទុកបញ្ហាឧបទ្វីបកូរ៉េ លោក Liu Xiaoming។ លោកស្រី Jung Pak បានសង្កត់ធ្ងន់ថា ទីក្រុងវ៉ាស៊ីនតោនចាត់ទុក "ការទូត និងការសន្ទនា" ជាមួយកូរ៉េខាងជើង គឺជាមធ្យោបាយតែមួយគត់ដែលអាចសម្រេចបាននូវសន្តិភាពយូរអង្វែងនៅលើឧបទ្វីបកូរ៉េ។
ជំនួបរវាងបេសកជននុយក្លេអ៊ែរអាមេរិក-ចិនទាំងពីរបានធ្វើឡើងបន្ទាប់ពីដំណើរទស្សនកិច្ចរបស់រដ្ឋមន្ត្រីការបរទេសអាមេរិកលោក Antony Blinken ទៅកាន់ទីក្រុងប៉េកាំងកាលពីចុងខែមេសា ដែលក្នុងនោះភាគីទាំងពីរបានយល់ព្រមរក្សាទំនាក់ទំនងបើកចំហទោះបីជាមានភាពខុសប្លែកគ្នាលើបញ្ហាបន្លាជាបន្តបន្ទាប់ក៏ដោយ៕
តាម vovworld.vn