ប្រធានរដ្ឋចិន លោក Xi Jinping បំពេញទស្សនកិច្ចនៅប្រទេសបារាំង

យោងតាមកាលវិភាគនាព្រឹកថ្ងៃទី ៦ ខែឧសភា ប្រធានាធិបតីបារាំង  លោក Emmanuel Macron និងលោកជំទាវបានធ្វើជាអធិបតីក្នុងពិធីស្វាគមន៍ជាផ្លូវរដ្ឋសម្រាប់មេដឹកនាំចិននិងលោកជំទាវ។ បន្ទាប់នោះ មេដឹកនាំបារាំង និងចិនទាំងពីរនឹងមានកិច្ចពិភាក្សាលើប្រធានបទអន្តរជាតិក្តៅគគុក ដោយមានការចូលរួមពីប្រធានគណៈកម្មការអឺរ៉ុប លោកស្រី Ursula vonder Leyen។

នាយករដ្ឋមន្ត្រីបារាំង លោក Gabriel Attal ទទួលស្វាគមន៍ប្រធានរដ្ឋចិន លោក  Xi Jinping នៅព្រលានយន្តហោះ Orly ទីក្រុងប៉ារីស ថ្ងៃទី ៥ ខែឧសភា ឆ្នាំ ២០២៤ (រូបថត៖ vnanet.vn)

សេចក្តីប្រកាសព័ត៌មានពីវិមានប្រធានាធិបតីបារាំងបានសង្កត់ធ្ងន់ថា ការពិភាក្សានឹងផ្តោតលើជម្លោះរុស្ស៊ី-អ៊ុយក្រែន វិបត្តិមជ្ឈិមបូព៌ា និងបញ្ហាពាណិជ្ជកម្មរវាងបារាំង សហភាពអឺរ៉ុប និងចិន។ លើសពីនេះ ភាគីទាំងពីរក៏បានលើកឡើងពីកិច្ចខិតខំប្រឹងប្រែងរួមគ្នា ដើម្បីឆ្លើយតបទៅនឹងបញ្ហាប្រឈមជាសកល ជាពិសេសភាពអាសន្នអាកាសធាតុ ការពារជីវចម្រុះ និងស្ថានភាពហិរញ្ញវត្ថុនៃប្រទេសដែលងាយអន្តរាយបំផុត។

បារាំងគឺជាគោលដៅដំបូងគេក្នុងដំណើរទស្សនកិច្ចរបស់ប្រធានរដ្ឋចិន ទៅកាន់ប្រទេសអឺរ៉ុបចំនួនបី (ពីថ្ងៃទី៥ ដល់ថ្ងៃទី១០ ឧសភា)។ បន្ទាប់ពីប្រទេសបារាំង មេដឹកនាំចិននឹងបន្តបំពេញទស្សនកិច្ចនៅប្រទេសស៊ែប៊ី និងហុងគ្រី៕

តាម vovworld.vn