វិបត្តិនៅហៃទី៖ បេសកជនពិសេសរបស់អង្គការសហប្រជាជាតិ អំពាវនាវ​ឱ្យ​កែលម្អ​សន្តិសុខ ដើម្បីជំរុញវឌ្ឍនភាពនយោបាយ

បេសកជនពិសេសជួរមុខរបស់អង្គការសហប្រជាជាតិប្រចាំប្រទេសហៃទី លោកស្រី Maria Isabel Salvador នាថ្ងៃទី ២២ មេសា បានសង្កត់ធ្ងន់លើភាពចាំបាច់ក្នុងការកែលម្អសន្តិសុខក្នុងប្រទេសនេះ ដើម្បីជំរុញវឌ្ឍនភាពនយោបាយដ៏រឹងមាំបន្ថែមទៀត។ រាយការណ៍ជូនក្រុមប្រឹក្សាសន្តិសុខអង្គការសហប្រជាជាតិ លោកស្រី Maria Isabel Salvador បានស្វាគមន៍ចំពោះវឌ្ឍនភាពនយោបាយថ្មីៗនៅហៃទី ជាពិសេសគឺការបង្កើតក្រុមប្រឹក្សាប្រធានាធិបតីអន្តរកាល (TPC)។ លោកស្រីបានអះអាងថា "ខ្ញុំអំពាវនាវឱ្យភាគីពាក់ព័ន្ធទាំងអស់នៅហៃទីឈានដល់កិច្ចព្រមព្រៀងមួយដើម្បីបង្កើតរដ្ឋាភិបាលអន្តរកាលឱ្យបានឆាប់ៗ ជាពិសេសគឺតែងតាំងនាយករដ្ឋមន្ត្រីនិងរដ្ឋាភិបាល បណ្តោះអាសន្ន ក៏ដូចជាការតែងតាំងក្រុមប្រឹក្សាបោះឆ្នោតបណ្តោះអាសន្នឱ្យបានឆាប់ៗផងដែរ"។

ទិដ្ឋភាពនៃកិច្ចប្រជុំ (រូបថត៖ vnanet.vn)

យោងតាមលោកស្រី Maria Isabel Salvador បានឲ្យដឹងថា ក្រុមឧក្រិដ្ឋជន និងមុខសញ្ញាបង្កបញ្ហាផ្សេងទៀតកំពុងស្វែងរកវិធីបំបែកបំបាក់ដំណើរការនយោបាយនាបច្ចុប្បន្នតាមរយៈអំពើហិង្សា។ លោកស្រីបានអំពាវនាវឱ្យមានការអនុវត្តជាបន្ទាន់នូវបេសកកម្មជំនួយសន្តិសុខពហុជាតិដែលត្រូវបានអនុញ្ញាតដោយក្រុមប្រឹក្សាសន្តិសុខអង្គការសហប្រជាជាតិកាលពីខែតុលាឆ្នាំមុន៕

តាម vovworld.vn