ប្រេស៊ីលនឹងចូលរួមជាមួយ OPEC+ នៅឆ្នាំ២០២៤​ ខណៈដែលរុស្ស៊ីនិងអារ៉ាប៊ីសាអូឌីតបន្តកាត់បន្ថយទិន្នផលប្រេង

OPEC សង្ឃឹមថា ការចូលរួមជាសមាជិក OPEC+ របស់ប្រេស៊ីលនឹងជួយពង្រឹងឥទ្ធិពល និងឋានៈរបស់ប្លុកនៅលើទីផ្សារប្រេងពិភពលោក។ បច្ចុប្បន្ន ប្រេស៊ីលគឺជាប្រទេសផលិតប្រេងធំជាងគេនៅអាមេរិកខាងត្បូង និងស្ថិតក្នុងចំណោមប្រទេសផលិតប្រេងឆៅកំពូលទាំង ១០ នៅលើពិភពលោក។

រោងចក្រចម្រាញ់ប្រេងមួយនៅ Araucaria រដ្ឋ Paraná របស់ប្រេស៊ីល។ រូបថត៖ GAZETA DO POVO/TTXVN

នៅក្នុងការវិវត្តន៍មួយនាថ្ងៃដដែលនោះ រុស្ស៊ីបានប្រកាសថា ខ្លួននឹងបង្កើនកម្រិតនៃការកាត់បន្ថយទិន្នផលប្រេងដោយស្ម័គ្រចិត្តរហូតដល់ ៥០០.០០០បារ៉ែល/ថ្ងៃ ហើយនឹងបន្តរហូតដល់ចុងត្រីមាសទី ១ នៃឆ្នាំ ២០២៤ ដោយហេតុផល "រក្សាស្ថិរភាព និងតុល្យភាពទីផ្សារប្រេងរ៉ែ”។

ក្នុងពេលជាមួយគ្នានោះ អារ៉ាប៊ីសាអូឌីត ក៏បានប្រកាសនឹងបន្តកាត់បន្ថយទិន្នផលប្រេងដោយស្ម័គ្រចិត្តចំនួន ១ លានបារ៉ែលក្នុងមួយថ្ងៃ "រហូតដល់ចុងត្រីមាសទីមួយនៃឆ្នាំ ២០២៤"។ ទីក្រុងរីយ៉ាដបានអនុវត្តផែនការកាត់បន្ថយទិន្នផលប្រេងខាងលើ ចាប់តាំងពីខែកក្កដាឆ្នាំនេះ។

សេចក្តីសម្រេចទាំងនេះ ត្រូវបានប្រកាសបន្ទាប់ពីសន្និសីទថ្នាក់រដ្ឋមន្ត្រីតាមអុីនធឺណែតរបស់អង្គការនៃប្រទេសនាំចេញប្រេង និងដៃគូ (OPEC+) នៅថ្ងៃទី ៣០ ខែវិច្ឆិកា៕

តាម vovworld.vn