ក្រុមប្រឹក្សាសិទ្ធិមនុស្សអង្គការសហប្រជាជាតិបានអនុម័តលើសេចក្ដីសម្រេចចិត្ដដែលលើកសំណើ និងតាក់តែងដោយប្រទេសវៀតណាម

លោក Tran Luu Quang ឧបនាយករដ្ឋមន្ត្រីវៀតណាមចូលរួមសម័យប្រជុំលើកទី ៥២ នៃក្រុមប្រឹក្សាសិទ្ធិមនុស្សអង្គការសហប្រជាជាតិ (រូបថត៖​ vnanet.vn)

សេចក្ដីសម្រេចចិត្ដផ្តោតលើសារៈសំខាន់ និងខ្លឹមសារវិជ្ជមាននៃសេចក្តីប្រកាសទាំងពីរខាងលើដោយអះអាងឡើងវិញនូវសិទ្ធិមនុស្សសំខាន់ៗសម្រាប់ទាំងអស់គ្នា។ សេចក្តីសម្រេចចិត្តមួយនេះ បានបង្ហាញពីការចាប់អារម្មណ៍យ៉ាងទូលំទូលាយរបស់ប្រទេសជាច្រើនលើកកម្ពស់ឋានៈ តួនាទី និងប្រសិទ្ធភាពប្រតិបត្តិការរបស់ក្រុមប្រឹក្សាសិទ្ធិមនុស្ស និងយន្តការសិទ្ធិមនុស្សរបស់អង្គការសហប្រជាជាតិ។ សង្កត់ធ្ងន់លើតួនាទីរបស់បណ្ដាប្រទេសក្នុងការធានាសិទ្ធិមនុស្ស។ កត់សម្គាល់ការចូលរួមរបស់ស្ត្រី តួនាទីនៃកិច្ចសហប្រតិបត្តិការ និងសាមគ្គីភាពអន្តរជាតិក្នុងការជំរុញ និងការពារសិទ្ធិមនុស្សនិយាយរួម និងចូលរួមកិច្ចការរបស់ក្រុមប្រឹក្សាសិទ្ធិមនុស្សនិយាយដោយឡែក។

សេចក្តីសម្រេចចិត្ដក៏បានស្នើឧត្តមស្នងការអង្គការសហប្រជាជាតិទទួលបន្ទុកសិទ្ធិមនុស្សអនុវត្តកម្មវិធីសកម្មភាពរំលឹកខួប UDHR និង VDPA រួមទាំងព្រឹត្តិការណ៍ជាន់ខ្ពស់របស់អង្គការសហប្រជាជាតិក្នុងខែធ្នូ ឆ្នាំ២០២៣ និងរាយការណ៍អំពីសកម្មភាពអបអរសាទរនៅសម័យប្រជុំលើកទី៥៦ នៃក្រុមប្រឹក្សាសិទ្ធិមនុស្សនៅដើមឆ្នាំខាងមុខ។ នេះជាសញ្ញាសម្គាល់ដ៏លេចធ្លោរបស់វៀតណាមក្នុងសម័យប្រជុំលើកទីមួយក្នុងនាមជាសមាជិកក្រុមប្រឹក្សាសិទ្ធិមនុស្សសម្រាប់អាណត្តិ ២០២៣-​២០២៥៕

បកប្រែដោយ Pham Diep