វៀតណាមគាំទ្រអង្គភាពអាជីវកម្មជប៉ុន វិនិយោគយ៉ាងងាយសម្រួលនៅវៀតណាម

ដោយស្វាគមន៍លោក Keita និងអង្គភាពអាជីវកម្មជប៉ុនមកទស្សនា និងស្វែងរកឱកាសសម្រាប់កិច្ចសហប្រតិបត្តិការ និងការពង្រីកការវិនិយោគនៅវៀតណាម លោក Pham Minh Chinh នាយករដ្ឋមន្ត្រី  បានវាយតម្លៃខ្ពស់ចំពោះកិច្ចសហប្រតិបត្តិការ និងការរួមចំណែកដ៏មានតម្លៃរបស់ JCCI និងគណៈកម្មការសេដ្ឋកិច្ចជប៉ុន-មេគង្គ ក្នុងការជំរុញទំនាក់ទំនងរវាងប្រទេសទាំងពីរ តួនាទីជាស្ពានសម្រាប់អង្គភាពអាជីវកម្មជប៉ុនបន្តពង្រីកការវិនិយោគនៅវៀតណាម។ លោកនាយករដ្ឋមន្ត្រីបានបញ្ជាក់ថា វៀតណាមបន្តកសាងអាជ្ញាធរបម្រើបង្កើនប្រសិទ្ធភាពនៃការគ្រប់គ្រងរដ្ឋ កែលម្អគោលនយោបាយសេដ្ឋកិច្ច កែលម្អបរិយាកាសវិនិយោគ និងធ្វើអាជីវកម្ម និងសម្របសម្រួលយ៉ាងជិតស្និទ្ធជាមួយអង្គការនានារបស់ជប៉ុន ដើម្បីគាំទ្រអង្គភាពអាជីវកម្មក្នុងការវិនិយោគដោយរលូន អភិវឌ្ឍជាបន្តបន្ទាប់ ពង្រីកប្រតិបត្តិការអាជីវកម្ម បង្កើតការងារសម្រាប់ប្រជាជនវៀតណាម រួមចំណែកជំរុញកិច្ចសហប្រតិបត្តិការវិនិយោគប្រកបដោយប្រសិទ្ធភាព ស៊ីជម្រៅ និងមានគុណភាពខ្ពស់ ដើម្បីការអភិវឌ្ឍ និងវិបុលភាពរួមរបស់ប្រទេសទាំងពីរ។

លោក Pham Minh Chinh នាយករដ្ឋមន្ត្រី មានប្រសាសន៍នៅក្នុងជំនួប (រូបថត៖ vnanet.vn)

លោក Keita និងថ្នាក់ដឹកនាំបណ្តាអង្គភាពអាជីវកម្មជប៉ុន បានវាយតម្លៃខ្ពស់ចំពោះកិច្ចខិតខំប្រឹងប្រែងរបស់វៀតណាមក្នុងការកែទម្រង់ និងកែលម្អបរិយាកាសវិនិយោគ ជាពិសេសការកែលម្អគោលនយោបាយ នីតិវិធីរដ្ឋបាល ការអភិវឌ្ឍធនធានមនុស្ស ការអភិវឌ្ឍហេដ្ឋារចនាសម្ព័ន្ធ និង logistics ដែលជួយអង្គភាពអាជីវកម្ម រួមទាំងអង្គភាពអាជីវកម្មជប៉ុន វិនិយោគ និងធ្វើអាជីវកម្មប្រកបដោយប្រសិទ្ធភាពនៅវៀតណាម។ អង្គភាពអាជីវកម្មជប៉ុនបានសម្តែងនូវគោលបំណងចង់ស្វែងយល់ពីការវិនិយោគ និងបន្តពង្រីកការវិនិយោគ និងការធ្វើអាជីវកម្មនៅវៀតណាម។ ភាគីជប៉ុនចង់ទទួលពលករវៀតណាមប្រកបដោយគុណភាពខ្ពស់ឱ្យទៅធ្វើការនៅប្រទេសជប៉ុន។

ទិដ្ឋភាពនៃជំនួប (រូបថត៖ vnanet.vn)

លោកនាយករដ្ឋមន្ត្រីបានស្នើឱ្យ JCCI  បន្តសម្របសម្រួលយ៉ាងជិតស្និទ្ធជាមួយក្រសួង និងស្ថាប័នពាក់ព័ន្ធនៃប្រទេសទាំងពីរ ដើម្បីលើកកម្ពស់ការវិនិយោគ កែលម្អគុណភាពវិនិយោគ ជាពិសេសជំរុញយ៉ាងខ្លាំងដល់ការផ្ទេរបច្ចេកវិទ្យា និងគាំទ្រដល់អង្គភាពអាជីវកម្មវៀតណាមក្នុងការបង្កើនភាពប្រកួតប្រជែង ដើម្បីធ្វើសមាហរណកម្មយ៉ាងស៊ីជម្រៅនៅក្នុងខ្សែសង្វាក់តម្លៃរបស់សហគ្រាស និងសាជីវកម្មធំៗរបស់ជប៉ុន។

លោកនាយករដ្ឋមន្ត្រីក៏បានសង្ឃឹមដែរថា អង្គភាពអាជីវកម្ម និងដៃគូជប៉ុននឹងបន្តស្រាវជ្រាវ និងពង្រីកសកម្មភាពសហប្រតិបត្តិការវិនិយោគនៅវៀតណាម និងជាមួយវៀតណាម ចូលរួមចំណែកពូនជ្រំទំនាក់ទំនងភាពជាដៃគូយុទ្ធសាស្ត្រគ្រប់ជ្រុងជ្រោយ ដើម្បីសន្តិភាព និងវិបុលភាពនៅអាស៊ី និងនៅលើពិភពលោក និងរវាងប្រទេសទាំងពីរ ឱ្យកាន់តែស៊ីជម្រៅ ជាក់ស្តែង និងមានប្រសិទ្ធភាព ដើម្បីការអភិវឌ្ឍរបស់ប្រទេសនីមួយៗ ជីវភាពរស់នៅមានសុភមង្គល និងសម្បូរធូធារបស់ប្រជាជននៃប្រទេសទាំងពីរ៕

បកប្រែដោយ Huyen Trang