លោក Tran Hong Ha ឧបនាយករដ្ឋមន្ត្រី ជួបប្រជុំ​ជាមួយបញ្ជាការដ្ឋានជួរមុខ ដើម្បីដាក់ពង្រាយការទប់​ទល់នឹងព្យុះ Kalmaegi

លោក Tran Hong Ha ដឹកនាំកិច្ចប្រជុំដោយផ្ទាល់និងតភ្ជាប់តាមអ៊ីនធឺណិត ដាក់ពង្រាយវិធានការជាបន្ទាន់ ដើម្បីទប់ទល់នឹងព្យុះ Kalmaegi (ព្យុះលេខ ១៣) (រូបថត៖ baochinhphu.vn)

មុននោះ កាលពីថ្ងៃទី ៥ ខែវិច្ឆិកា លោក Tran Hong Ha បានផ្ញើរសារទូរលេខដែលស្នើរឲ្យប្រធានគណៈកម្មាធិការប្រជាជនខេត្ត ក្រុងនានា ប្រធានគណៈកម្មាធិការដឹកនាំការពារជនស៊ីវិលថ្នាក់ខេត្ត ដឹកនាំការពិនិត្យ ការសាងសង់ សុក្រឹត្យ និងអនុម័តលើផែនការទប់ទល់នឹងព្យុះ Kalmaegi នៅក្នុងមូលដ្ឋាន ដែលក្នុងនោះ បានកំណត់ពីស្ថានភាពគ្រោះមហន្តរាយធម្មជាតិ ឧប្បត្តិហេតុដែលអាចកើតឡើង និងតំបន់ងាយរងគ្រោះ ហើយទន្ទឹមនឹងនោះ បញ្ជូនកងកម្លាំង មធ្យោបាយ សម្ភារៈ ឧបករណ៍ ម្ហូបអាហារ នៅក្នុងតំបន់សំខាន់ៗ ដើម្បីត្រៀមខ្លួនដាក់ពង្រាយនៅពេលមានស្ថានភាពអាក្រក់កើតឡើង។

យោងតាមមជ្ឈមណ្ឌលជាតិព្យាករណ៍ជលសាស្ត្រ-ឧតុនិយមបានឲ្យដឹងថា ព្យុះ Kalmaegi មានកម្រិតខ្យល់ខ្លាំងបំផុត គឺកម្រិត ១៤-១៥ ដោយបក់បោកលើសពីកម្រិត ១៧។ ក្នុងអំឡុងពេលល្ងាចដល់ពេលយប់ថ្ងៃទី ៦ ខែវិច្ឆិកា ខ្យល់ព្យុះបោកបក់ចូលដីគោកតាមបណ្តាខេត្តចាប់ពីខេត្ត Quang Ngai ដល់ខេត្ត Gia Lai៕

តាម vovworld.vn