វៀតណាមសម្រេចបានសមិទ្ធិផលជាច្រើនក្នុងការធានាសេរីភាពសាសនា

ទិដ្ឋភាពនៃជំនួប​

ក្នុងជំនួបនេះ លោកប្រធាន VUFO Phan Anh Son បានជម្រាបជូនអំពីសកម្មភាពរបស់ VUFO ស្ថានភាពអភិវឌ្ឍន៍របស់វៀតណាម និងទំនាក់ទំនងវៀតណាម-អាមេរិក រួមទាំងគោលនយោបាយ និងច្បាប់ទាក់ទងនឹងសាសនានៅវៀតណាម។ លោកប្រធាន VUFO បានសម្តែងនូវការជឿជាក់ថា តាមរយៈបទពិសោធន៍ជាក់ស្តែងក្នុងដំណើរទស្សនកិច្ចលើកនេះ គ្រូគង្វាល Bob Roberts និងគណៈប្រតិភូនឹងមានសំឡេងដើម្បីរួមចំណែកនាំយករូបភាពនៃប្រទេសវៀតណាមមួយស្រស់ស្អាត រួសរាយរាក់ទាក់ មានសេរីភាពក្នុងជំនឿ និងសាសនា ជូនចំពោះរដ្ឋាភិបាល ប្រជាជនអាមេរិក និងមិត្តភក្តិអន្តរជាតិ។

ប្រតិភូទាំងឡាយ​ថតរូប​ជុំ​គ្នា

ដោយសម្តែងនូវសេចក្តីរីករាយដែលបានមកបំពេញទស្សនកិច្ចនៅវៀតណាម គ្រូគង្វាល Bob Roberts បានវាយតំលៃខ្ពស់ចំពោះការខិតខំប្រឹងប្រែងជាបន្តបន្ទាប់របស់វៀតណាមក្នុងការធានាសេរីភាពខាងសាសនាជូនប្រជាជន។ គ្រូគង្វាល Bob Roberts បានសម្តែងក្តីសង្ឃឹមថា ដំណើរទស្សនកិច្ចរបស់គណៈប្រតិភូនឹងជួយសមាជិកស្វែងយល់អំពីគោលនយោបាយ និងច្បាប់ទាក់ទងនឹងសាសនា ស្វែងយល់ និងចែករំលែកបទពិសោធន៍អំពីគំរូសកម្មភាពសាសនានៅវៀតណាម។

ក្នុងដំណើរទស្សនកិច្ចនៅវៀតណាម គណៈប្រតិភូបានជួបពិភាក្សាការងារជាមួយក្រសួងការបរទេស វិទ្យាស្ថាននយោបាយជាតិហូជីមិញ គណៈកម្មាធិការសាសនារដ្ឋាភិបាល។

បកប្រែដោយ Duy Hoan