បង្កើតលក្ខខណ្ឌអំណោយផលដើម្បីស្ត្រីកងទ័ពអភិវឌ្ឍសក្តានុពល និងភាពច្នៃប្រឌិតរបស់ខ្លួន

លោកឧត្តមសេនីយ៍ឯក Le Quang Minh អនុប្រធានអគ្គស្នងការនយោបាយនៃកងទ័ពប្រជាជនវៀតណាម អនុប្រធានគណៈកម្មការដើម្បីភាពជឿនលឿនរបស់ស្រ្តី នៃក្រសួងការពារប្រទេស បានអញ្ជើញជាអធិបតីនៃកិច្ចប្រជុំ។

លោកឧត្តមសេនីយ៍ឯក Le Quang Minh ថ្លែង​ក្នុង​កិច្ចប្រជុំ

ថ្លែងមតិក្នុងកិច្ចប្រជុំនេះ លោកឧត្តមសេនីយ៍ឯក Le Quang Minh បានទទួលស្គាល់ និងវាយតម្លៃខ្ពស់ចំពោះលទ្ធផលលេចធ្លោ ដែលការងារដើម្បីភាពជឿនលឿនរបស់ស្រ្តី និងសមភាពយេនឌ័រក្នុងជួរកងទ័ពសម្រេចបាន។ លោកឧត្តមសេនីយ៍ឯក Le Quang Minh ក៏បានចង្អុលបង្ហាញចំណុចខ្វះខាតមួយចំនួន ដែលទាមទារឱ្យភ្នាក់ងារ និងអង្គភាពយកចិត្តទុកដាក់ និងជំនះពុះពារ។ លោកឧត្តមសេនីយ៍ឯក Le Quang Minh ស្នើថា រួមនឹងការក្តាប់ និងអនុវត្តយ៉ាងម៉ឺងម៉ាត់នូវ គោលការណ៍ណែនាំ និងគោលនយោបាយរបស់ថ្នាក់លើ គណៈកម្មាធិការបក្ស ប្រធាននយោបាយ  មេបញ្ជាការ និងគណៈកម្មការដើម្បីភាពជឿនលឿនរបស់ស្រ្តី និងសមភាពយេនឌ័រក្នុងក្នុងជួរកងទ័ពទាំងមូលត្រូវពង្រឹងការដឹកនាំក្នុងការអនុវត្តគោលនយោបាយ និងច្បាប់ស្តីពីសមភាពយេនឌ័រ រួមទាំងដាក់ខ្លឹមសារនេះចូលក្នុងសេចក្តីសម្រេចចិត្តដឹកនាំ និងផែនការការងារ។

លោកឧត្តមសេនីយ៍ឯក Le Quang Minh ប្រគល់ប័ណ្ណសរសើរដល់អង្គភាពដែលមានស្នាដៃឆ្នើមក្នុងការងារដើម្បីភាពជឿនលឿនរបស់ស្ត្រីក្នុងជួរកងទ័ព

ទន្ទឹមនឹងនោះ ជំរុញការផ្លាស់ប្តូថ្មីអំពីខ្លឹមសារ និងវិធីសាស្រ្តនៃការផ្សព្វផ្សាយព័ត៌មាន ការឃោសនា និងការអប់រំ ដើម្បីលើកកម្ពស់ការយល់ដឹងអំពីសមភាពយេនឌ័រ។ យកចិត្តទុកដាក់ និងបង្កើតលក្ខខណ្ឌអំណោយផលសម្រាប់ស្ត្រី និងបុរស បានចូលរួមក្នុងសកម្មភាពអប់រំ ផ្សព្វផ្សាយអំពីសុខភាព អនុវត្តល្អគោលនយោបាយ កសាងគ្រួសារកម្មាភិបាល យុទ្ធជន សមាជិកសមគមន៍ស្រ្តី ក្នុងជួរកងទ័ពឱ្យមានភាពចម្រុងចម្រើន វឌ្ឍនភាព សប្បាយរីករាយ និងអរិយធម៌៕

បកប្រែដោយ Duy Hoan