លោកនាយឧត្តមសេនីយ៍ Phan Van Giang ទទួលជួបឯកអគ្គរដ្ឋទូតអេស្ប៉ាញប្រចាំនៅវៀតណាម

លោកនាយឧត្តមសេនីយ៍ Phan Van Giang បានសង្កត់ធ្ងន់ថា វៀតណាមយកចិត្ដទុកដាក់យ៉ាងខ្លាំង និងវាយតំលៃខ្ពស់ចំពោះទំនាក់ទំនងសហប្រតិបត្តិការជាមួយអេស្ប៉ាញ ហើយមានបំណងចង់ជំរុញទំនាក់ទំនងទ្វេភាគីឈានដល់កម្រិតថ្មីមួយ សក្ដិសមនឹងសក្តានុពលនៃ​កិច្ចសហប្រតិបត្តិការរបស់ភាគីទាំងពីរ។ លោកនាយឧត្តមសេនីយ៍ Phan Van Giang បានវាយតម្លៃថា នាពេលថ្មីៗនេះ កិច្ចសហប្រតិបត្តិការលើវិស័យការពារជាតិវៀតណាម-អេស្ប៉ាញ បានអនុវត្តស្របតាមអនុស្សរណៈយោគយល់គ្នាស្តីពីកិច្ចសហប្រតិបត្តិការលើវិស័យការពារជាតិដែលបានចុះហត្ថលេខាកាលពីឆ្នាំ ២០១០។

លោកនាយឧត្តមសេនីយ៍ Phan Van Giang ទទួលជួបឯកអគ្គរដ្ឋទូតអេស្ប៉ាញប្រចាំនៅវៀតណាម

លោកនាយឧត្តមសេនីយ៍ Phan Van Giang ជឿជាក់ថា ភាគីទាំងពីរនៅមានសក្ដានុពលជាច្រើនក្នុងការជំរុញកិច្ចសហប្រតិបត្តិការលើវិស័យការពារជាតិទ្វេភាគី ស្របតាមតម្រូវការនិងលទ្ធភាពរបស់ប្រទេសនីមួយៗ។ លោកនាយឧត្តមសេនីយ៍ Phan Van Giang ស្នើថា នាពេលខាងមុខ ភាគីទាំងពីរផ្តោតលើវិស័យជាច្រើនដូចជា ការផ្លាស់ប្តូរគណៈប្រតិភូគ្រប់លំដាប់ថ្នាក់ ការបណ្តុះបណ្តាល ការរក្សាសន្តិភាពរបស់អង្គការសហប្រជាជាតិ ជំនះផលវិបាកនៃសង្គ្រាម ការសម្របសម្រួល និងគាំទ្រគ្នាទៅវិញទៅមកនៅវេទិកាពហុភាគី។

រីឯខ្លួនវិញ លោកស្រីឯកអគ្គរដ្ឋទូត Carmen Cano De Lasala បានសម្តែងនូវមនោសញ្ចេតនាល្អចំពោះប្រទេស និងប្រជាជនវៀតណាម។ ចែករំលែកជាមួយវៀតណាមអំពីការខូចខាត និងបាត់បង់ដែលបណ្តាលមកពីព្យុះទីហ្វុង Yagi; លោកស្រីឯកអគ្គរដ្ឋទូត Carmen Cano De Lasala វាយតំលៃខ្ពស់សមត្ថភាពឆ្លើយតបគ្រោះមហន្តរាយធម្មជាតិរបស់កងទ័ពប្រជាជនវៀតណាម ព្រមទាំងស្នើភាគីទាំងពីរបន្តជំរុញកិច្ចសហប្រតិបត្តិការលើវិស័យការពារជាតិទ្វេភាគី ជាពិសេសលើវិស័យបណ្តុះបណ្តាល និងការរក្សាសន្តិភាពរបស់អង្គការសហប្រជាជាតិ៕

បកប្រែដោយ Pham Diep