សារព័ត៌មានយោធា ផ្សព្វផ្សាយព្រឹត្តិការណ៍យ៉ាងទូលំទូលាយ និងស៊ីជម្រៅ

ប្រតិភូថ្លែងនៅក្នុងកិច្ចប្រជុំ

របាយការណ៍ស្តីពីលទ្ធផលនៃការគ្រប់គ្រង ផ្សព្វផ្សាយសារព័ត៌មាន និងការបោះពុម្ពផ្សាយក្នុងត្រីមាសទី៣ ឆ្នាំ២០២៤ បានបញ្ជាក់យ៉ាងច្បាស់ថា៖ សារព័ត៌មានយោធាបានផ្សព្វផ្សាយយ៉ាងទូលំទូលាយ និងស៊ីជម្រៅអំពីសកម្មភាពរបស់ថ្នាក់ដឹកនាំបក្ស រដ្ឋ និងកងទ័ព; ជូនដំណឹង ផ្សព្វផ្សាយទាន់ពេលវេលា និងទូលំទូលាយអំពីឆាកជីវិតអាជីព និងពិធីបុណ្យសពជាតិរបស់លោកអគ្គលេខាបក្ស Nguyen Phu Trong ព្រឹត្តិការណ៍នយោបាយក្នុងស្រុក និងអន្តរជាតិ ថ្ងៃបុណ្យទានសំខាន់ ជាពិសេសបេសកកម្មយោធា ការពារជាតិ និងកិច្ចការបរទេសការពារជាតិ។ ទីភ្នាក់ងារសារព័ត៌មានយោធាបានផ្សាយយ៉ាងទូលំទូលាយ និងទាន់ពេលវេលាអំពីការចូលរួមរបស់កងទ័ពក្នុងការបង្ការ ទប់ទល់ និងជំនះពុះពារផលវិបាកដោយសារព្យុះលេខ៣ និងលេខ៤ លទ្ធផលការងារនៅអង្គភាពមូលដ្ឋាន ផ្តោតសំខាន់លើការជូនដំណឹង និងឆ្លុះបញ្ចាំងលើការហ្វឹកហាត់ ការត្រៀមខ្លួនប្រយុទ្ធ សកម្មភាពការងារបក្ស និងការងារនយោបាយ។ល។

ទិដ្ឋភាពនៃកិច្ចប្រជុំ

ស្តីពីទិសដៅ និងភារកិច្ចនៃការគ្រប់គ្រង ការផ្សព្វផ្សាយសារព័ត៌មាន និងការបោះពុម្ពផ្សាយនៅត្រីមាសទី ៤ ឆ្នាំ ២០២៤ កិច្ចប្រជុំបានឯកភាពថា៖ ទីភ្នាក់ងារសារព័ត៌មានយោធាបន្តអនុវត្តការងារផ្សព្វផ្សាយតាមផែនការដែលបានអនុម័ត បន្តរក្សាការផ្សព្វផ្សាយឲ្យបានល្អអំពីលទ្ធផលនៃការអនុវត្តសេចក្តីសម្រេចចិត្តគ្រប់លំដាប់ថ្នាក់របស់បក្ស ផ្សព្វផ្សាយការរៀនសូត្រ និងធ្វើតាមគំរូសីលធម៌ និងរចនាបថរបស់លោកប្រធានហូជីមិញ ផ្តោតលើការផ្សព្វផ្សាយអំពីការរំលឹកខួបលើកទី ៨០ នៃការបង្កើតកងទ័ពប្រជាជនវៀតណាម ខួបលើកទី ៣៥ នៃទិវាការពារជាតិដោយប្រជាជនទាំងមូល និងខួបលើកទី ៨០ នៃទិវាប្រពៃណីនៃអគ្គស្នងការនយោបាយនៃកងទ័ពប្រជាជនវៀតណាម។ល៕

បកប្រែដោយ Huyen Trang