ត្រួតពិនិត្យការសម្របសម្រួលហ្វឹកហ្វឺនសម្រាប់ពិព័រណ៍ការពារជាតិអន្តរជាតិវៀតណាមឆ្នាំ ២០២២

លោកឧត្តមសេនីយ៍ឯក Hoang Xuan Chien និងក្រុមការងារត្រួតពិនិត្យការត្រៀមរៀបចំពិព័រណ៍

បន្ទាប់ពីបានស្តាប់របាយការណ៍និងមតិយោបល់ លោកឧត្តមសេនីយ៍ឯក Hoang Xuan Chien បានកោតសរសើរ និងវាយតម្លៃខ្ពស់ចំពោះគណៈកម្មាធិការរៀបចំ និងស្ថាប័នពាក់ព័ន្ធរបស់ក្រសួងការពារប្រទេសបានម្ចាស់ការត្រៀមរៀបចំពិព័រណ៌។

យុទ្ធជននៃកងទ័ពពិសេសបានសម្តែងក្បាច់គុននៅពិព័រណ៍

លោកឧត្តមសេនីយ៍ឯក Hoang Xuan Chien បានសង្កត់ធ្ងន់ថា ពិព័រណ៍ការពារជាតិអន្តរជាតិវៀតណាមលើកដំបូងឆ្នាំ ២០២២ ដែលរៀបចំដោយក្រសួងការពារប្រទេសវៀតណាម គឺជាព្រឹត្តិការណ៍មួយក្នុងចំណោមព្រឹត្តិការណ៍កិច្ចការបរទេសការ ពារជាតិដ៏សំខាន់ក្នុងឆ្នាំនេះ។ នេះជាឱកាសដើម្បីផ្សព្វផ្សាយនិងបង្ហាញពីកម្លាំងការពារជាតិរបស់វៀតណាម; ទន្ទឹមនឹងនេះ ជាឱកាសសម្រាប់ក្រុមហ៊ុនផលិតក្នុងស្រុក និងក្រុមហ៊ុនឈានមុខគេក្នុងពិភពលោកតាំងបង្ហាញ និងណែនាំអាវុធទំនើបៗ និងបច្ចេកទេស។

ឧទ្ធម្ភាគចក្រនិងយន្តហោះចម្បាំងរបស់កងទ័ពការពារអាកាស-ទ័ពជើងអាកាសហ្វឹកហាត់ហោះហើរ

ការពិព័រណ៍ការពារជាតិអន្តរជាតិវៀតណាមឆ្នាំ ២០២២ នឹងប្រព្រឹត្តទៅចាប់ពីថ្ងៃទី ៨ ដល់ថ្ងៃទី ១០ ខែធ្នូ ខាងមុខ។ ពិព័រណ៍នេះនឹងមានសកម្មភាពជាច្រើនដូចជា ការតាំងបង្ហាញផលិតផល ការតភ្ជាប់អាជីវកម្ម និងណែនាំបច្ចេកទេសដើម្បីជួយធ្វើបច្ចុប្បន្នភាពព័ត៌មាន ដោះស្រាយបញ្ហានានាក្នុងការប្រើប្រាស់ឧបករណ៍ និងអាវុធ រួមទាំងសកម្មភាពវប្បធម៌និងការឧទ្ទេសនាមទឹកដី និងប្រជាជនវៀតណាម៕

បកប្រែដោយ Pham Diep