ជំរុញកិច្ចសហប្រតិបត្តិការ និងសកម្មភាពដើម្បីបរិស្ថានអេកូឡូស៊ី

នាព្រឹកថ្ងៃទី ២២ ឧសភា នៅមជ្ឈមណ្ឌលសន្និសីទ Tavricheski លោក Le Minh Hoan អនុប្រធានរដ្ឋសភា  បានអញ្ជើញចូលរួមពិធីបើកមហាសន្និបាតអេកូឡូស៊ីអន្តរជាតិ Nevsky លើកទី ១១។ ក្នុងថ្ងៃធ្វើការដំបូងនៃមហាសន្និបាត គណៈប្រតិភូវៀតណាមបានចូលរួមយ៉ាងសកម្មក្នុងសម័យប្រជុំពិភាក្សារបស់មហាសន្និបាត ចែករំលែកទស្សនៈ និងគោលនយោបាយថ្មីស្តីពីអេកូឡូស៊ី និងបរិស្ថាន និន្នាការបច្ចេកវិទ្យា ព្រមទាំងគំរូគ្រប់គ្រងបរិស្ថានជឿនលឿន ជំរុញកិច្ចសហប្រតិបត្តិការអន្តរជាតិ និងសកម្មភាពសម្របសម្រួលដើម្បីបរិស្ថានអេកូឡូស៊ី បំពេញតម្រូវការនៃស្ថានភាពបច្ចុប្បន្ន។

លោក Le Minh Hoan អនុប្រធានរដ្ឋសភា ដឹកនាំគណៈប្រតិភូជាន់ខ្ពស់រដ្ឋសភាវៀតណាម ចូលរួមមហាសន្និបាតអេកូឡូស៊ីអន្តរជាតិ Nevsky លើកទី១១

នាថ្ងៃដដែល  លោក Le Minh Hoan អនុប្រធានរដ្ឋសភា បានជួបសន្ទនាជាមួយលោក Andrey Yatskin អនុប្រធានទី១ ក្រុមប្រឹក្សាសហព័ន្ធនៃសភាសហព័ន្ធរុស្ស៊ី ប្រធានក្រុមសមាជិកសភាមិត្តភាពសម្រាប់កិច្ចសហប្រតិបត្តិការជាមួយវៀតណាមនៃក្រុមប្រឹក្សាសហព័ន្ធ ។  លោក Le Minh Hoan បានបន្តអះអាងនូវគោលនយោបាយដ៏ខ្ជាប់ខ្ជួនរបស់បក្ស និងរដ្ឋវៀតណាម ក្នុងការជំរុញទំនាក់ទំនងភាពជាដៃគូយុទ្ធសាស្ត្រលើគ្រប់ជ្រុងជ្រោយ​ជាមួយរុស្ស៊ី ដោយចាត់ទុករុស្ស៊ីជាអាទិភាពមួយក្នុងចំណោមអាទិភាពកំពូលក្នុងគោលនយោបាយការបរទេស។ លោក Le Minh Hoan បានវាយតំលៃខ្ពស់ចំពោះសារៈសំខាន់ និងប្រធានបទនៃមហាសន្និបាតនេះ ដោយឆ្លុះបញ្ចាំងពីបញ្ហាជាសកលបន្ទាន់នាពេលបច្ចុប្បន្ន និងទាមទារឱ្យមានការខិតខំប្រឹងប្រែងរួមគ្នារបស់ប្រទេសជាច្រើនដើម្បីដោះស្រាយប្រកបដោយប្រសិទ្ធភាពនូវបញ្ហាបរិស្ថានពិភពលោក។

គួរំលឹកថា លោក Le Minh Hoan បានជួបជាមួយលោក Belsky ប្រធានក្រុមប្រឹក្សានីតិប្បញ្ញត្តិទីក្រុង Saint Petersburg និងលោក Bondarenko អនុប្រធានក្រុមប្រឹក្សានីតិប្បញ្ញត្តិទីក្រុង Saint Petersburg៕

បកប្រែដោយ Duy Hoan