កិច្ចប្រជុំកំពូលអាស៊ានលើកទី៤២៖ វៀតណាមរួមចំណែកយ៉ាងសកម្មចំពោះអាទិភាពសេដ្ឋកិច្ចអាស៊ាន

លោក Arsjad Rasjid ប្រធានក្រុមប្រឹក្សាធុរកិច្ចអាស៊ាន (ASEAN-BAC) (រូបថត៖ vnanet.vn)

ថ្លែងទៅកាន់ទីភ្នាក់ងារសារព័ត៌មានវៀតណាមនៅទីក្រុងហ្សាកាតា មុនកិច្ចប្រជុំកំពូលអាស៊ានលើកទី៤២ ដែលគ្រោងនឹងប្រព្រឹត្តទៅនៅថ្ងៃទី ៩ ដល់ថ្ងៃទី១១ ខែឧសភា នៅទីក្រុង Labuan Bajo (ឥណ្ឌូនេស៊ី) លោក Rasjid បានបញ្ជាក់ថា វៀតណាមបាននិងកំពុងដើរតួនាទីយ៉ាងសំខាន់ក្នុងការជម្រុញពាណិជ្ជកម្ម និងការវិនិយោគទាំងក្នុង និងក្រៅតំបន់ ព្រមទាំងចូលរួមយ៉ាងសកម្មនៅក្នុងគំនិតផ្តួចផ្តើមនានា ដូចជាតំបន់ពាណិជ្ជកម្មសេរីអាស៊ាន ហើយនាពេលថ្មីៗនេះបានបង្ហាញពីបំណង ចង់ចូលរួមក្នុងបណ្តាញតភ្ជាប់ការទូទាត់ឆ្លងដែន ដែលត្រូវបានចាត់ទុកជាជំហានអភិវឌ្ឍន៍វិជ្ជមានសម្រាប់សមាហរណកម្មសេដ្ឋកិច្ចក្នុងតំបន់។ លើសពីនេះ ការដែលវៀតណាមធ្វើជាម្ចាស់ផ្ទះនៃព្រឹត្តិការណ៍ ASEAN Wind Energy ២០២៣ នាពេលខាងមុខគឺជាការរួមចំណែកយ៉ាងសំខាន់ចំពោះគោលដៅថាមពលកកើតឡើងវិញរបស់តំបន់។

លោកប្រធានអាស៊ាន-BAC បានអះអាងថា ការរួមវិភាគទានរបស់វៀតណាមមានសារៈសំខាន់ណាស់ក្នុងការជំរុញរបៀបវារៈសេដ្ឋកិច្ចរបស់អាស៊ាន។ លោកបានសង្កត់ធ្ងន់លើការប្តេជ្ញាចិត្តរបស់វៀតណាមក្នុងគំនិតផ្តួចផ្តើមផ្សេងៗដែលបង្ហាញពីការត្រៀមខ្លួនរបស់ទីក្រុងហាណូយដើម្បីឆ្ពោះទៅរកតំបន់សមាហរណកម្ម និងវិបុលភាពជាង៕

តាម vovworld.vn