លោកប្រធានរដ្ឋ Nguyen Xuan Phuc អញ្ជើញអុជធូបគោរពវិញ្ញាណក្ខ័ន្ធបណ្តាស្តេច Hung

លោកប្រធានរដ្ឋ Nguyen Xuan Phuc និង​ថ្នាក់​ដឹក​នាំ​បក្ស រដ្ឋ កងទ័ព​ អញ្ជើញអុជធូបគោរពវិញ្ញាណក្ខ័ន្ធបណ្តាស្តេច Hung

លោកប្រធានរដ្ឋ Nguyen Xuan Phuc បានអញ្ជើញអុជធូប ជូនផ្កានិងគ្រឿងដង្វាយដើម្បីគោរព​វិញ្ញាណក្ខ័ន្ធ និងថ្លែងអំណរគុណចំពោះគុណូបការៈរបស់បណ្តាស្តេច Hung ដែលបានកសាងប្រទេសជាតិ និងបួងសួងសុំឱ្យប្រទេសជាតិប្រកបដោយវិបុលភាព សន្តិភាព ប្រជាជនសម្បូរធូធារ។

បន្ទាប់ពីពិធីអុជធូបនៅវិហារ Thuong លោក​ប្រធានរដ្ឋ Nguyen Xuan Phuc និងគណៈប្រតិភូបានដាក់កម្រងផ្កា និងអុជធូបនៅវិមានស្តេច Hung ទី៦; ដាក់ផ្កានៅមុខរូបចម្លាក់ក្បាច់ក្រឡោត “លោកអ៊ំហូជាមួយកម្មាភិបាល និងយុទ្ធជននៃកងទ័ពត្រួសត្រាយ" នៅផ្លូវបំបែកនៃវិហារ Gieng។ លោកប្រធានរដ្ឋក៏បានចូលរួមពិធីបើកការដ្ឋានសាងសង់គម្រោងអាគារវប្បធម៌ និងសិល្បៈខេត្ត Phu Tho នៅទីលាន Hung Vuong ទីក្រុង Viet Tri។ នេះជាកន្លែងរក្សា និងអភិរក្សបេតិកភណ្ឌវប្បធម៌អរូបីតំណាងមនុស្សជាតិចំនួនពីរ គឺជំនឿគោរពបូជាវិញ្ញាណក្ខ័ន្ធស្តេច Hung និងចម្រៀង Xoan Phu Tho ផងដែរ។

លោកប្រធានរដ្ឋ Nguyen Xuan Phuc និង​ថ្នាក់​ដឹក​នាំ​បក្ស រដ្ឋ កងទ័ព​ អញ្ជើញចូល​រួម​ពិធី​អុជធូបគោរពវិញ្ញាណក្ខ័ន្ធបណ្តាស្តេច Hung

ក្នុងក្របខ័ណ្ឌនៃសកម្មភាពពិធី​បុណ្យខួបដូនតាស្ដេច Hung នាយប់ថ្ងៃទី ៩ មេសា នៅទីក្រុង Viet Tri (Phu Tho) កម្មវិធីសិល្បៈ “ប្រភពដើមដ៏ពិសិដ្ឋ - ទឹកដីដូនតាស្តេច Hung” បានប្រារព្ធឡើងយ៉ាងឱឡារិក។ បន្ទាប់ពីកម្មវិធីសិល្បៈគឺជាការបាញ់កាំជ្រួចព្រោងព្រាត​ដើម្បីអបអរពិធី​បុណ្យខួបដូនតាស្ដេច Hung ឆ្នាំ ២០២២៕

បកប្រែដោយ Duy Hoan