បវរកញ្ញាពិភពលោក ៦ នាក់ មកទីក្រុង Da Nang ផ្សព្វផ្សាយពីវិស័យទេសចរណ៍
កប.អនឡាញ - កាលពីថ្ងៃទី ៧ ខែសីហា បវរកញ្ញា ៦ នាក់ មកពីប្រទេស ឥណ្ឌូនេស៊ី ថៃ ឥណ្ឌា មីយ៉ាន់ម៉ា ស្រីលង្កា និងជប៉ុន រួមមានបវរកញ្ញាវៀតណាម Truong Dieu Ngoc ដែលចូលរួមការប្រកួត Miss World 2016 បានផ្ដើមថតវីដីអូនៅមណ្ឌលទេសចរណ៍ភ្នំ Than Tai និង Ba Na Hills ដើម្បីផ្សព្វផ្សាយវិស័យទេសចរណ៍នៃទីក្រុង Da Nang។
នេះគឺជាសកម្មភាពមួយនៃកម្មវិធី World’16 Reunion 2018 in Vietnam ដែលប្រព្រឹត្ដទៅពីថ្ងៃទី៥ ដល់ថ្ងៃទី៩ ខែសីហា ឆ្នាំ២០១៨ នៅទីក្រុង Da Nang និង Hoi An។
|
|
រូបភាពបវរកញ្ញាថតវីដូអូនៅទីក្រុង Da Nang (vnexpress.net) |
បន្ទាប់ពីការប្រកួត Miss World 2016 បវរកញ្ញាមកពីប្រទេសនានាបានជួបសំណេះសំណាលជាមួយមិត្ដភក្ដិដើម្បីផ្លាស់ប្ដូរវប្បធម៌ និងផ្សព្វផ្សាយវិស័យទេសចរណ៍នៅប្រទេសរបស់ខ្លួន។ កម្មវិធីនេះ គេហៅថា “ការជួបជុំគ្នារបស់បវរកញ្ញាពិភពលោក”។
យោងតាមមន្ទីរទេសចរណ៍ទីក្រុង Da Nang បានឲ្យដឹងថា ការជួបជុំគ្នារបស់បវរកញ្ញាពិភពលោកគឺដើម្បីផ្សព្វផ្សាយដល់មិត្ដអន្ដរជាតិ អំពីគោលដៅទេសចរណ៍របស់ប្រទេសខ្លួន។ បវរកញ្ញាពិភពលោកឆ្នាំ ២០១៦ បានជ្រើសរើសទីក្រុង Da Nang ជាកន្លែងសំចតសំរាប់ការធ្វើដំណើរ ហើយនេះគឺជាឱកាសដ៏ល្អសម្រាប់វិស័យទេសចរណ៍ទីក្រុងដើម្បីផ្សព្វផ្សាយវប្បធម៌ និងទេសចរណ៍ទៅកាន់ពិភពលោក៕
បកប្រែដោយ Pham Diep