បើកវេទិកានៃអង្គការជម្រុញទេសចរណ៍នៅបណ្ដាទីក្រុងនៅអាស៊ី - ប៉ាស៊ីហ្វិកលើកទី៨
កប.អនឡាញ - នាថ្ងៃទី២១ មិថុនា មន្ទីរទេសចរណ៍ទីក្រុងហូជីមិញបានសហការជាមួយអង្គការជម្រុញទេសចរណ៍នៅបណ្ដាទីក្រុងនៅអាស៊ី - ប៉ាស៊ីហ្វិក(TPO) បើកវេទិកា TPO លើកទី៨ នៅទីក្រុងហូជីមិញក្រោមប្រធានបទ “ទេសចរណ៍ឆ្លាតវៃ” សំដៅពង្រឹងសមត្ថិភាពរបស់បណ្ដាទីក្រុងជាសមាជិក TPO។ តំណាងទាំងឡាយចូលរួមវេទិកាបានផ្ដួចផ្តើមគំនិតនិងយុទ្ធសាស្រ្តនានាដើម្បីអភិវឌ្ឍផ្នែកទេសចរណ៍ក្នុងសម័យបដិវត្តន៍ឧស្សាហកម្ម 4.0។
|
|
ថ្នាក់ដឹកនាំទីក្រុងហូជីមិញថតរូបជាមួយតំណាងទាំងឡាយ |
មានប្រសាសន៍ក្នុងពិធីនេះ លោក Le Thanh Liem អនុប្រធានប្រចាំការនៃគណៈកម្មាធិការប្រជាជនទីក្រុងហូជីមិញបានបញ្ជាក់ថា វេទិកាគឺជាឱកាសល្អសម្រាប់សមាជិក TPO ចែករំលែកនូវលក្ខណៈវប្បធម៌ តភ្ជាប់ និងអភិវឌ្ឍទំនាក់ទំនងមិត្តភាព និងកិច្ចសហប្រតិបត្តិការ រួមចំណែកពូនជ្រំសន្តិភាព វិបុលភាពក្នុងតំបន់អាស៊ី - ប៉ាស៊ីហ្វិក។
នារសៀល ថ្ងៃដដែល ក្នុងក្របខ័ណ្ឌនៃវេទិកា ការតាំងបង្ហាញទម្រង់ទេសចរណ៍ឆ្លាតវៃរបស់ទីក្រុងហូជីមិញ ទីក្រុង Fukuoka ទីក្រុង Boryeong និងទីក្រុង Kota Bharu បានទាក់ទាញការចូលរួមរបស់សហគ្រាសទេសចរណ៍ជាច្រើន៕
បកប្រែដោយ Thuy Anh