វិស្សមកាលគួរឲ្យចាប់ចិត្ដនារដូវក្តៅនៅកម្ពុជា
កប.អនឡាញ - កោះរុងសន្លឹមជាកោះធំមួយដ៏ស្អាតនៅកម្ពុជាដោយមានខ្សាច់ស សមុទ្រពណ៌ខៀវស្រងាត់ដែលនឹងនាំមកឲ្យភ្ញៀវទេសចរអារម្មណ៍សប្បាយរីករាយក្នុងរដូវក្ដៅ។
ទឹកដីកម្ពុជាត្រូវបានគេស្គាល់ដោយអច្ឆរិយវត្ថុអង្គរវត្ដដ៏ល្បីល្បាញ់នៅលើពិភពលោក ដោយឡែកកោះរុងសន្លឹមត្រូវបានគេហៅថា “ឋានសួគ៍” ដោយមានខ្សាច់ស សមុទ្រពណ៌ខៀវស្រងាត់ និងឆ្នេរសមុទ្រលាតសន្ធឹង។
កោះរុងសន្លឹមស្ថិតនៅចំងាយប្រហែល ២០ គីឡូម៉ែត្រពីក្រុងព្រះសីហនុ។ ធ្វើដំណើរដោយនាវាប្រមាណជាង២ម៉ោងចេញពីឆ្នេរខេត្តព្រះសីហនុ លោកអ្នកនឹងទៅដល់កោះរុងសន្លឹមជាកោះដ៏ធំមួយនៅសមុទ្រកម្ពុជា។
នៅទីនេះអ្នកអាចចូលរួមលេងកំសាន្តសប្បាយរីករាយលើទូកដូចជាកម្មវិធីតន្ត្រី និងពិសារអាហារប៊ូហ្វេ និងភេសជ្ជៈជាច្រើនប្រភេទផងដែរ៕
តាម៖ vnexpress.net
បកប្រែដោយ Pham Diep