ពិធីបុណ្យ Yen Tu បានប្រារព្ធឡើងនូវនិទាឃរដូវឆ្នាំ ២០១៨
នៅថ្ងៃទី ២៥ ខែកុម្ភៈ ពិធីបុណ្យ Yen Tu ត្រូវបានរៀបចំឡើងនៅទីធ្លា Yen Tu នៅមជ្ឈមណ្ឌលវប្បធម៌ Truc Lam Yen Tu (ទីក្រុង Uong Bi ខេត្ត Quang Ninh ភាគខាងជើងប្រទេសវៀតណាម)។
ពិធីបុណ្យនេះមានទ្រង់ទ្រាយធំជាងប៉ុន្មានឆ្នាំមុន ហើយបានប្រព្រឹត្តទៅយ៉ាងអធិកអធម។ ពិធីបុណ្យបានរំលឹកឡើងវិញនូវជីវភាពកាន់ពុទ្ធសាសនារបស់ព្រះចៅអធិរាជ Tran Nhan Tong ។ ពិធីបុណ្យនេះគឺជាផ្នែកមួយនៃសកម្មភាពនានាជាបន្តបន្ទាប់ ដើម្បីអបអរសាទរឆ្នាំទេសចរណ៍ជាតិ ឆ្នាំ២០១៨ ដែលរៀបចំឡើងនៅខេត្ត Quang Ninh ។
ក្នុងក្របខ័ណ្ឌនៃពិធីបុណ្យមានសកម្មភាពវប្បធម៌ជាច្រើនដូចជា ល្បែងជល់មាន់ ល្បែងចោលឈូង របាំប្រពៃណីរបស់ជនជាតិ Dao Thanh Y សិល្បៈក្បាច់គុនប្រពៃណី និងសម្តែងសិល្បៈនៅស្ពាន Thuy Dinh។
នៅឆ្នាំ២០១៧ ពិធីបុណ្យ Yen Tu បានទាក់ទាញភ្ញៀវទេសចរប្រមាណ ១.៥ លាននាក់។ ឆ្នាំនេះខេត្ត Quang Ninh រំពឹងថានឹងទទួលស្វាគមន៍ភ្ញៀវទេសចរប្រមាណ ២ លាននាក់មកទស្សនា Yen Tu ៕
បកប្រែដោយ Duy Hoan