គណៈប្រតិភូនាយទាហានកងទ័ពជើងទឹក នៃកងយោធពលខេមរភូមិន្ទ ជូនពរបុណ្យចូលឆ្នាំថ្មីប្រពៃណីចំពោះកងទ័ពជើងទឹកប្រជាជនវៀតណាម
កប.អនឡាញ - នារសៀលថ្ងៃទី២៥ មករា នៅទីក្រុងហូជីមិញ គណៈប្រតិភូនាយទាហានកងទ័ពជើងទឹកនៃកងយោធពលខេមរភូមិន្ទ ដឹកនាំដោយលោកឧត្តមនាវីឯក មាន វ៉ា មេបញ្ជាការរងកងទ័ពជើងទឹក បានអញ្ជើញមកជូនពរបុណ្យចូលឆ្នាំថ្មីប្រពៃណីចំពោះបញ្ជាការដ្ឋានកងទ័ពជើងទឹកប្រជាជនវៀតណាម (តំណាងភាគខាងត្បូងវៀតណាម)។ លោកឧត្តមនាវីត្រី Luong Viet Hung មេបញ្ជាការរងកងទ័ពជើងទឹកវៀតណាមបានធ្វើជាអធិបតីជំនួបជាមួយគណៈប្រតិភូ។
|
|
លោកឧត្តមនាវីឯក មាន វ៉ា ផ្តល់អំណោយជូនដល់បញ្ជាការដ្ឋានកងទ័ពជើងទឹកវៀតណាម (រូបថត៖ baohaiquanvietnam.vn) |
ការសួរសុខទុក្ខ និងជូនពរបុណ្យចូលឆ្នាំថ្មីប្រពៃណីចំពោះកងទ័ពជើងទឹកភាគខាងត្បូងវៀតណាម គឺជាសកម្មភាពប្រចាំឆ្នាំរបស់កងទ័ពជើងទឹកនៃប្រទេសទាំងពីរ ដែលសំដៅពង្រឹង និងពង្រីកទំនាក់ទំនងមិត្តភាពជាប្រពៃណី និងកិច្ចសហប្រតិបត្តិការដ៏ល្អប្រសើររវាងកងទ័ពនៃប្រទេសទាំងពីរនិយាយរួម និងរវាងកងទ័ពជើងទឹកនៃប្រទេសទាំងពីរនិយាយដោយឡែក។
ក្នុងឱកាសទទួលអំណរបុណ្យចូលឆ្នាំថ្មីប្រពៃណី២០១៩ ឧត្តមនាវីឯក មាន វ៉ា បានជូនពរគណៈកម្មាធិការបក្ស បញ្ជាការដ្ឋានកងទ័ពប្រជាជនវៀតណាម និងកងទ័ពទាំងមូលមានសុខភាពល្អ សុភមង្គល និងបំពេញល្អនូវរាល់ភារកិច្ចនៅឆ្នាំ២០១៩៕
បកប្រែដោយ Huyen Trang