ពិធីជួបសំណេះសំណាលរវាងនាយទាហានវ័យក្មេងវៀតណាម និងកម្ពុជា
កប.អនឡាញ - នារសៀលថ្ងៃទី៦ ធ្នូ នៅបញ្ជាការដ្ឋានយោធាខេត្ត Ba Ria – Vung Tau វៀតណាមបានប្រព្រឹត្តទៅពិធីជួបសំណេះសំណាលរវាងនាយទាហានវ័យក្មេងបញ្ជាការដ្ឋានយោធាខេត្ត Ba Ria – Vung Tau យោធភូមិភាគទី៧ កងទ័ពប្រជាជនវៀតណាម ជាមួយនាយទាហានវ័យក្មេងតំបន់ប្រតិបត្តិការសឹករងព្រះវិហារ យោធភូមិភាគទី៤ កងយោធពលខេមរភូមិន្ទ ក្រោមប្រធានបទ “សាមគ្គីភាព មិត្តភាព រួមគ្នាកសាង និងអភិវឌ្ឍ”។
អញ្ជើញចូលរួមពិធីមានលោកឧត្តមសេនីយ៍ត្រី Nguyen Van Nam មេបញ្ជាការរងយោធភូមិភាគទី៧ និងតំណាងថ្នាក់ដឹកនាំខេត្ត Ba Ria – Vung Tau រួមជាមួួយកម្មាភិបាល នាយទាហានវ័យក្មេងជាច្រើនរូបទៀត
ក្នុងពិធី លោកវរសេនីយ៍ឯក Nguyen Hoang Tan អនុប្រធាននយោបាយនៃបញ្ជាការដ្ឋានយោធាខេត្ត Ba Ria – Vung Tau បានថ្លែងថា វៀតណាមនិងកម្ពុជាគឺជាអ្នកជិតខាងដោយមានទំនាក់ទំនងសាមគ្គីភាព មិត្តភាព ពីយូរលង់ណាស់មកហើយ។ បច្ចុប្បន្ននេះ កិច្ចសហប្រតិបត្តិការមិត្តភាពនេះកាន់តែរឹងមាំពីមួយថ្ងៃទៅមួយថ្ងៃ។
|
|
ទិដ្ឋភាពនៃពិធីជួបសំណេះសំណាល |
ពិធីជួបសំណេះសំណាលរវាងនាយទាហានវ័យក្មេងសំដៅពង្រីកទំនាក់ទំនងមិត្តភាព កិច្ចសហប្រតិបត្តិការ ព្រមទាំងគឺជាឱកាសសម្រាប់នាយទាហាននៃអង្គភាពទាំងពីរជួបសំណេះសំណាល ចែករំលែកបទពិសោធន៍ និងសម្តែងនូវបំណងប្រាថ្រ្នារបស់ខ្លួនក្នុងការរក្សា ពូនជ្រំ និងពង្រីកប្រពៃណីសាមគ្គីភាព មិត្តភាពរបស់កងទ័ព និងប្រជាជននៃប្រទេសទាំងពីរវៀតណាម - កម្ពុជា។
នៅឱកាសនេះដែរ នាយទាហានវ័យក្មេងបានលើកឡើងនូវប្រពៃណីសាមគ្គីភាព មិត្តភាពរវាងប្រជាជាតិទាំងពីរ ក៏ដូចជារាល់ជំនួយរបស់កងទ័ពប្រជាជនវៀតណាមដែលបានផ្តល់ឲ្យកងយោធពលខេមរភូមិន្ទ ហើយបានបញ្ជាក់ពីការប្ដេជ្ញាចិត្តរបស់ជំនាន់វ័យក្មេងនៃអង្គភាពទាំងពីរក្នុងការអភិវឌ្ឍចំណងសាមគ្គីភាព ព្រមទាំងចែករំលែកបទពិសោធន៍ក្នុងការសិក្សា បំពេញការងារ និងលើកកំពស់ជំនាញវិជ្ជាជីវៈ ដើម្បីឆ្លើយតបទៅនឹងតម្រូវការនៃភារកិច្ចក្នុងស្ថានភាពថ្មី៕
បកប្រែដោយ Thanh Cong