កងទ័ពការពារព្រំដែនខេត្ដ Binh Phuoc ជួបពិភាក្សាជាមួយស្នងការដ្ឋាននគរបាលខេត្ដមណ្ឌលគីរី
កប.អនឡាញ - កាលពីថ្ងៃទី ១៣ កញ្ញា បញ្ជាការដ្ឋានកងទ័ពការពារព្រំដែនខេត្ដ Binh Phuoc បានជួបពិភាក្សជាមួយស្នងការដ្ឋាននគរបាលខេត្ដមណ្ឌលគីរីស្ដីពីការការពារព្រំដែន។
|
|
ថ្នាក់ដឹកនាំនៃអង្គភាពទាំងពីរចុះហត្ថលេខាលើអនុស្សរណៈយោគយល់គ្នា |
អញ្ជើញចូលរួមកិច្ចពិភាក្សាដោយមានលោកឧត្ដមសេនីយ៍ទោ ឡោ សុខា ស្នងការនគរបាលខេត្ដមណ្ឌលគីរី និងលោកវរសេនីយ៍ឯក Bui Minh Soai មេបញ្ជាការកងទ័ពការពារព្រំដែនខេត្ដ Binh Phuoc។
នៅជំនួបពិភាក្សា ភាគីទាំងពីរបានពិនិត្យឡើងវិញនូវការសហការគ្នាក្នុងការប្រយុទ្ធប្រឆាំងនឹងការជួញដូរគ្រឿងញៀន ការជួញដូរមនុស្សនិងបទល្មើសឆ្លងដែន ក៏ដូចជាការផ្លាស់ប្ដូរព័ត៌មាន និងការគ្រប់គ្រងព្រំដែនតាំងពីដើមឆ្នាំមកសព្វថ្ងៃនេះ ព្រមទាំងដាក់ទិសដៅនៃការការពារព្រំដែននាពេលខាងមុខនេះដែរ។
ភាគីទាំងពីរបានឯកភាពថា នឹងបន្តផ្លាស់ប្តូរនូវស្ថានភាពនៅតាមសងខាងព្រំដែន ជាពិសេសគឺសកម្មភាពប្រឆាំងនឹងរដ្ឋទាំងពីររបស់កម្លាំងអមិត្ដ អំពើភេរវកម្ម ការជួញដូរគ្រឿងញៀន ការជួញដូរមនុស្សនៅទាំងសងខាងព្រំដែន។ ព្រមទាំងផ្ដល់ប្រឹក្សាជូនអាជ្ញាធរខេត្ដទាំងពីរដើម្បីលើកកម្ពស់ការឃោសនា និងអប់រំដល់ប្រជាជននៅតាមព្រំដែនឲ្យអនុវត្ដត្រឹមត្រូវតាមកិច្ចព្រមព្រៀង និងសន្ធិសញ្ញាដែលប្រទេសទាំងពីរបានចុះហត្ថលេខារួចមក៕
បកប្រែដោយ Pham Diep