លោកនាយឧត្ដមសេនីយ៍ Ngo Xuan Lich អញ្ជើញទៅសួរសុខទុក្ខ និងត្រួតពិនិត្យនៅអង្គភាពស៊ើបការណ៍ទ័ពពិសេស
កប.អនឡាញ - នាព្រឹកថ្ងៃទី ១៦ មិថុនា លោកនាយឧត្ដមសេនីយ៍ Ngo Xuan Lich រដ្ឋមន្ដ្រីក្រសួងការពារប្រទេសវៀតណាមបានអញ្ជើញទៅសួរសុខទុក្ខ និងត្រួតពិនិត្យការហ្វឹកហ្វឺន ការត្រៀមប្រយុទ្ធនៅអង្គភាពស៊ើបការណ៍ទ័ពពិសេសនៃអគ្គនាយកដ្ឋានលេខ ២។ អញ្ជើញចូលរួមក៏មានថ្នាក់ដឹកនាំមកពីស្ថាប័នពាក់ព័ន្ធនៃក្រសួងការពារប្រទេសផងដែរ។
|
|
លោកនាយឧត្ដមសេនីយ៍ Ngo Xuan Lich បានជួបសំណេះសំណាលជាមួយកម្មាភិបាល និងយុទ្ធជន |
នៅជំនួប លោកនាយឧត្ដមសេនីយ៍ Ngo Xuan Lich បានស្ដាប់មេបញ្ជាការអង្គភាពរាយការណ៍អំពីស្ថានការណ៍អនុវត្ដភារកិច្ច ទន្ទឹមនឹងនោះលោកបានសួរសុខទុក្ខកម្មាភិបាល យុទ្ធជន និងត្រួតពិនិត្យអង្គភាពដោយផ្ទាល់។
មានការសន្និដ្ឋានក្នុងពេលធ្វើការនេះ លោកនាយឧត្ដមសេនីយ៍ Ngo Xuan Lich បានវាយតំលៃខ្ពស់ចំពោះលទ្ធផលនៃការអនុវត្ដភារកិច្ចដែលអង្គភាពសម្រេចបានក្នុងពេលកន្លងមក។ ព្រមទាំងលោករដ្ឋមន្ដ្រីស្នើឲ្យអង្គភាពបន្ដពង្រីកប្រពៃណី និងលទ្ធផលដែលសម្រេចបាន; កសាងឆន្ទៈនយោបាយ ការប្ដេជ្ញាចិត្ដឲ្យកម្មាភិបាល យុទ្ធជន សាមគ្គីភាព គោរពច្បាប់រដ្ឋ ច្បាប់កងទ័ព កសាងអង្គភាពឲ្យមានរឹងមាំ បក្សភាគស្អាតស្អំ និងបំពេញភារកិច្ចបានល្អដែលបានប្រគល់ជូន៕
បកប្រែដោយ Pham Diep