អូស្ត្រាលីជួយវៀតណាមក្នុងការជួយសង្គ្រោះតាមផ្លូវអាកាស និងផ្លូវគោក
កប.អនឡាញ - នារសៀលថ្ងៃទី៤ ខែមិថុនា ថ្នាក់ដឹកនាំមន្ទីរពេទ្យយោធា១៧៥ (ក្រសួងការពារប្រទេសវៀតណាម) ឲ្យដឹងថា សាកលវិទ្យាល័យស៊ីដនី និងអង្គការសប្បុរសធម៌ សង្គ្រោះបន្ទាន់ដោយឧទ្ធម្ភាគចក្រ CareFlight (អូស្ត្រាលី) បានរៀបចំវគ្គហ្វឹកហ្វឺនអំពីជំនាញជួយសង្គ្រោះនិងដឹកជញ្ចូនជនរងគ្រោះពីកន្លែងកើតហេតុទៅកាន់កន្លែងព្យាបាលតាមផ្លូវអាកាស និងផ្លូវគោគឲ្យសិក្ខាកាមនៃមន្ទីរពេទ្យកម្រិត២; មន្ទីរពេទ្យរបួសនិងកែរាងកាយ១៧៥; មន្ទីរពេទ្យ An Sinh; មជ្ឈមណ្ឌលសង្គ្រោះបន្ទាន់១១៥ ទីក្រុងហូជីមិញ និងក្រុមជួយសង្គ្រោះតាមផ្លូវអាកាស 2B មន្ទីពេទ្យយោធា១៧៥។
|
|
អ្នកជំនាញអូស្ត្រាលីចែករំលែកបទពិសោធន៍ក្នុងការជួយសង្គ្រោះឲ្យសិក្ខាកាមវៀតណាម |
សិក្ខាកាមត្រូវបានបណ្តុះបណ្តាលដោយអ្នកឯកទេសកំពូលៗមកពីប្រទេសអូស្ត្រាលីលើមុខជំនាញមួយចំនួនដូចជា: របៀបរៀបចំផែនការសង្គ្រោះបន្ទាន់; ជួយសង្គ្រោះបន្ទាន់លើការហូរឈាម និងរបួសទាំងឡាយ ជួយសង្គ្រោះបន្ទាន់លើការឈឺឆ្អឹងខ្នង ជួយសង្គ្រោះបន្ទាន់ជនរងគ្រោះរបួសទ្រូង ជួយសង្គ្រោះបន្ទាន់រលាក របៀបប្រើ garo ៗល ដើម្បីទប់ការហូរឈាម ពិនិត្យ និងវាយតម្លៃស្ថានភាពអ្នកជំងឺដើម្បីចាត់វិធានការជួយសង្គ្រោះ របៀបដឹកជញ្ជូនអ្នកជំងឺតាមឧទ្ធម្ភាគចក្រ ....
ក្រៅពីការសិក្សាទ្រឹស្ដី សិក្ខាកាមក៍បានអនុវត្តលើការដោះស្រាយស្ថានភាពជាក់ស្តែងទៀតផង។ ឆ្លងកាត់វគ្គបណ្តុះបណ្តាលនេះ គ្រូពេទ្យវៀតណាមមានបទពិសោធន៍ច្រើនថែមទៀតក្នុងការជួយសង្គ្រោះបន្ទាន់ និងដឹកជញ្ជូនជនរងគ្រោះទៅព្យាបាលដោយសុវត្ថិភាពបំផុត៕
បកប្រែដោយ Duy Hoan