វៀតណាមជាប់ចំណាត់ថ្នាក់លេខ១ ក្នុងការប្រកួតកីឡាបញ្ចសីលាជើងឯកអាស៊ីឆ្នាំ២០២៥

ការប្រកួតថ្នាក់ទ្វីបនេះត្រូវបានរៀបចំដោយសហព័ន្ធកីឡាបញ្ចសីលាពិភពលោក (PERSILAT) នាយកដ្ឋានកីឡាវៀតណាម និងគណៈកម្មាធិការប្រជាជនខេត្ត Ha Tinh។ ការប្រកួតនេះមានការចូលរួមពីអត្តពលិកជិត ៤០០ នាក់មកពីប្រទេសចំនួន១០៖ វៀតណាម ថៃ ម៉ាឡេស៊ី ឥណ្ឌូនេស៊ី សិង្ហបុរី ហ្វីលីពីន ឡាវ ឥណ្ឌា អ៊ូសបេគីស្ថាន និងកាហ្សាក់ស្ថាន។

តំណាងគណៈកម្មការរៀបចំប្រគល់មេដាយជូនដល់កីឡាករ កីឡាការិនី

ក្នុងពិធីបិទ លោក Duong Tat Thang អនុប្រធានគណៈកម្មាធិការប្រជាជនខេត្ត Ha Tinh បានសង្កត់ធ្ងន់ថា ការប្រកួតមិនត្រឹមតែជាឱកាសសម្រាប់អត្តពលិកកីឡាបញ្ចសីលាប្រកួតប្រជែងប៉ុណ្ណោះទេ ថែមទាំងជាឱកាសដើម្បីពង្រឹងចំណងមិត្តភាព និងបង្កើនការផ្លាស់ប្តូរវប្បធម៌ និងកីឡារវាងបណ្ដាប្រទេសក្នុងតំបន់ និងជុំវិញពិភពលោកទៀតផង។

បន្ទាប់ពីការប្រកួតដ៏រំភើបក្នុងរយៈពេល ៦ ថ្ងៃ ក្រុមកីឡាបញ្ចសីលាវៀតណាមបានឈរនៅចំណាត់ថ្នាក់លេខ១ ដោយទទួលបានមេដាយសរុបចំនួន ២៨ គ្រឿង ដែលក្នុងនោះមេដាយមាសចំនួន ១៧ គ្រឿង មេដាយប្រាក់ចំនួន ៤ គ្រឿង និងមេដាយសំរឹទ្ធចំនួន ៧ គ្រឿង។

ចំណាត់ថ្នាក់លេខ២ បានទៅលើក្រុមប្រតិភូម៉ាឡេស៊ីដែលទទួលបានមេដាយចំនួន ១៤ គ្រឿង និងក្រុមឥណ្ឌូណេស៊ីជាប់ចំណាត់ថ្នាក់លេខ៣ ដោយទទួលបានមេដាយចំនួន ៩ គ្រឿង៕

បកប្រែដោយ Thanh Cong