ក្រុមប្រណាំងទូកកាណូវៀតណាមជាប់ចំណាត់ថ្នាក់លេខ ១ នៅអាស៊ីអាគ្នេយ៍
កប.អនឡាញ - នៅថ្ងៃទី ៧ ខែកក្កដា នៅទីក្រុង Hai Phong ការប្រកួតទូកកាណូ U.23 និងជើងឯកអាស៊ីអាគ្នេយ៍ឆ្នាំ ២០២៤ បានបិទបញ្ចប់ជាផ្លូវការ។
ការប្រកួតនេះត្រូវបានរៀបចំឡើងដោយសហព័ន្ធកីឡា Rowing អាស៊ីអាគ្នេយ៍ និងនាយកដ្ឋានកីឡា (ក្រសួងវប្បធម៌ កីឡានិងទេសចរណ៍វៀតណាម) សហព័ន្ធកីឡាប្រណាំងទូកវៀតណាម និងមន្ទីរវប្បធម៌ និងកីឡាទីក្រុង Hai Phong។
![left](/image/images/left.png) ![center](/image/images/center.png) ![right](/image/images/right.png) ![del](/images/red-error_16px.gif) |
![](https://file3.qdnd.vn/data/images/27/2024/07/08/upload_2116/08072024vd03.jpg?dpi=150&quality=100&w=500) |
គណៈកម្មាធិការរៀបចំប្រគល់មេដាយជូនអត្ដពលិក (រូបថត៖ vnanet.vn) |
វៀតណាមជាប់ចំណាត់ថ្នាក់លេខ ១ ក្នុងក្រុមកីឡាទាំងមូល ដោយទទួលបានមេដាយមាសចំនួន ៥៨ គ្រឿង និងមេដាយប្រាក់ចំនួន ៥៣ គ្រឿង និងមេដាយសំរឹទ្ធចំនួន ៣៣ គ្រឿង។ ចំណាត់ថ្នាក់លេខ ២ បានទៅលើប្រទេសថៃដែលទទួលបានមេដាយមាសចំនួន ១៣ គ្រឿង មេដាយប្រាក់ចំនួន ១៤ គ្រឿង និងមេដាយសំរឹទ្ធចំនួន ៣២ គ្រឿង។ ចំណាត់ថ្នាក់លេខ ៣ គឺប្រទេសសិង្ហបុរីដែលទទួលបានមេដាយមាសចំនួន ៩ គ្រឿង មេដាយប្រាក់ចំនួន ១១ គ្រឿង និងមេដាយសំរឹទ្ធចំនួន ១១ គ្រឿង។
ការប្រណាំងទូកកាណូជើងឯក U.23 និងជើងឯកអាស៊ីអាគ្នេយ៍ឆ្នាំ ២០២៤ មានអត្ដពលិកជាង ៥០០ នាក់ មកពីប្រទេសអាស៊ីអាគ្នេយ៍ចំនួន ៧ រួមមានកម្ពុជា ឥណ្ឌូនេស៊ី ម៉ាឡេស៊ី ហ្វីលីពីន សិង្ហបុរី ថៃ និងវៀតណាម៕
បកប្រែដោយ Pham Diep