ពិភពលោកសម្ដែងក្ដីសោកសៅចំពោះការសោយទីវង្គតរបស់ព្រះមហាក្សត្រី Elizabeth II របស់ចក្រភពអង់គ្លេស

សេចក្តីប្រកាសរបស់រដ្ឋាភិបាលចិនបានលើកច្បាស់ថា ការសោយទីវង្គតរបស់ព្រះមហាក្សត្រី Elizabeth II គឺជាការបាត់បង់ដ៏ធំធេងសម្រាប់ប្រជាជនអង់គ្លេស។ នៅក្នុងសារថ្វាយព្រះមហាក្សត្រ Charles III ប្រធានាធិបតីរុស្ស៊ី លោក Vladimir Putin បានសម្តែងការរំលែកទុក្ខដល់ព្រះអង្គម្ចាស់ Charles III ក៏ដូចជាប្រទេសជាតិ និងប្រជាជនអង់គ្លេសផងដែរ។ មេដឹកនាំរុស្ស៊ីបានកោតសរសើរ ព្រះមហាក្សត្រី Elizabeth II គឺជាព្រះអង្គដែលទទួលបានការស្រឡាញ់ និងគោរពរាប់អានពីសំណាក់ប្រជាជន ហើយទទួលបានកិត្យានុភាពដ៏ធំធេងនៅឆាកអន្តរជាតិ។

ពិភពលោកសម្ដែងក្ដីសោកសៅចំពោះការសោយទីវង្គតរបស់ព្រះមហាក្សត្រី Elizabeth II របស់ចក្រភពអង់គ្លេស (រូបថត៖ AP)

មេដឹកនាំនៃប្រទេសអ៊ីតាលី អេស្ប៉ាញក៏បានចែករំលែកជាមួយរាជវង្ស ប្រជាជន និងចក្រភពអង់គ្លេសផងដែរ។ សម្តេចប៉ាប Francis ក៏បានបួងសួងដល់ការសោយទីវង្គតរបស់ព្រះមហាក្សត្រី Elizabeth II ហើយតបស្នងសងគុណចំពោះឆាកជីវិត ដែលមិនចេះនឿយហត់របស់ទ្រង់ដើម្បីផលប្រយោជន៍របស់ចក្រភពអង់គ្លេស និងសមាគមនៃប្រជាជាតិខមម្មុនវែល (Commonwealth of Nations)។

ចែករំលែកនៅលើបណ្ដាញសង្គម លោក Pedro Sanchez នាយករដ្ឋមន្ត្រីអេស្ប៉ាញបានកោតសរសើរចំពោះព្រះមហាក្សត្រី Elizabeth II ជាឥស្សរជនដែលទទួលបានការស្រឡាញ់បីពិភពលោក។

ទន្ទឹមនឹងនេះ លោក Joe Biden ប្រធានាធិបតីអាមេរិក កាលពីថ្ងៃទី ៨ ខែកញ្ញា បានបញ្ជាឱ្យបង្ហូតទង់ជាតិពាក់កណ្តាលដងនៅសេតវិមាន។ នាថ្ងៃដដែល លោក Miguel Díaz-Canel ប្រធានរដ្ឋគុយបាបានប្រកាសកាន់ទុក្ខជាតិ ដើម្បីឧទ្ទិសដល់ព្រះមហាក្សត្រី Elizabeth II ផងដែរ៕

តាម vovworld.vn