អាមេរិកបញ្ជាក់ពីការបញ្ជូនបេសកជនពិសេសទៅរុស្ស៊ីក្នុងសប្តាហ៍នេះ
ប្រធានាធិបតីអាមេរិកលោក Donald Trump នាថ្ងៃទី ៣ សីហា បានបញ្ជាក់ថា បេសកជនពិសេសរបស់លោក Steve Witkoff អាចទៅបំពេញទស្សនកិច្ចនៅប្រទេសរុស្ស៊ីក្នុងសប្តាហ៍នេះ ប្រហែលថ្ងៃទី ៦ សីហា ឬថ្ងៃទី ៧ សីហា។
កាយវិការនេះធ្វើឡើងក្នុងបរិបទដែលប្រធានាធិបតីអាមេរិក លោក Donald Trump បានកំណត់កាលបរិច្ឆេទសម្រាប់រុស្ស៊ី ចាត់វិធានការជាក់ស្តែងមុនថ្ងៃទី ៨ ខែសីហា ដើម្បីបញ្ឈប់ជម្លោះនៅអ៊ុយក្រែន។ បើមិនដូច្នោះទេ រុស្ស៊ីអាចប្រឈមមុខនឹងទណ្ឌកម្មថ្មីពីអាមេរិក។ មុននោះ លោក Trump ធ្លាប់បានព្រមានថា លោកអាចដាក់ទណ្ឌកម្មបន្ថែមទៀត រួមទាំង "ពន្ធបន្ទាប់បន្សំ" លើដៃគូពាណិជ្ជកម្មសំខាន់ៗរបស់រុស្ស៊ី ដូចជា ចិន និងឥណ្ឌាជាដើម ដែលអាចជះឥទ្ធិពលយ៉ាងទូលំទូលាយដល់សេដ្ឋកិច្ចពិភពលោក។
    |
 |
|
ប្រធានាធិបតីអាមេរិកលោក Donald Trump |
លោក Steve Witkoff ធ្លាប់បានជួបជាមួយប្រធានាធិបតីរុស្ស៊ី លោក Vladimir Putin ជាច្រើនដងកាលពីដើមឆ្នាំនេះ មុនពេលទំនាក់ទំនងរវាងសហរដ្ឋអាមេរិក និងរុស្ស៊ីបានធ្លាក់ចូលទៅក្នុងសភាពជាប់ទ្រឹង។
នៅក្នុងសេចក្តីប្រកាសថ្មីបំផុត កាលពីថ្ងៃទី ១ ខែសីហា ប្រធានាធិបតីរុស្ស៊ីលោក Vladimir Putin បានបញ្ជាក់ថា គោលដៅកំពូលរបស់រុស្ស៊ីគឺនៅតែលុបបំបាត់ឫសគល់នៃវិបត្តិនៅអ៊ុយក្រែន ខណៈពេលដែលធានាសន្តិសុខជាតិ។ លើសពីនេះ លោកបានប្រកាសថា រុស្ស៊ីត្រៀមខ្លួនជាស្រេចសម្រាប់ការរង់ចាំ ប្រសិនបើអ៊ុយក្រែនមិនទាន់ត្រៀមខ្លួនក្នុងការចរចាឡើយ៕
តាម vovworld.vn