ប្រទេសជាច្រើនគ្រោងនឹងជម្លៀសពលរដ្ឋចេញពីប្រទេសអ៊ីស្រាអែលនិងអ៊ីរ៉ង់

បច្ចុប្បន្ននេះ ប្រទេសកេនយ៉ា អ៊ូហ្គង់ដា និងរវ៉ាន់ដា បានអំពាវនាវឱ្យពលរដ្ឋក្នុងប្រទេសអ៊ីស្រាអែល និងអ៊ីរ៉ង់ផ្តល់ព័ត៌មានទំនាក់ទំនង និងរក្សាទំនាក់ទំនងជាមួយបេសកកម្មការទូតរបស់ប្រទេសនៃពួកគេ។ រដ្ឋាភិបាលអ៊ូហ្គង់ដាបាននិយាយថា ខ្លួនកំពុងសហការយ៉ាងសកម្មក្នុងការជម្លៀសប្រជាជនអ៊ូហ្គង់ដាដែលជាប់គាំងទាំងក្នុងប្រទេសអ៊ីស្រាអែល និងអ៊ីរ៉ង់ តាមរយៈប្រទេសជិតខាង ដូចជាតួកគី អាស៊ែបៃហ្សង់និងហ្ស៊កដានី។

ពលរដ្ឋកូរ៉េខាងត្បូងជម្លៀសចេញពីអ៊ីស្រាអែល (រូបថត៖ ក្រសួងការបរទេសកូរ៉េខាងត្បូង)

រដ្ឋាភិបាលកេនយ៉ាក៏បានចេញសេចក្តីណែនាំសម្រាប់ពលរដ្ឋរបស់ខ្លួនដែលរស់នៅក្នុងប្រទេសអ៊ីស្រាអែល និងអ៊ីរ៉ង់ ដោយស្នើឱ្យពួកគេធ្វើតាមការណែនាំរបស់អាជ្ញាធរមូលដ្ឋាន និងចែករំលែកព័ត៌មានទំនាក់ទំនងក្នុងករណីដែលត្រូវបានជម្លៀសចេញ។ ប្រជាជនកេនយ៉ាត្រូវបានណែនាំឱ្យជៀសវាងសកម្មភាពដែលមិនចាំបាច់ និងរៀបចំឯកសារធ្វើដំណើរក្នុងករណីមានការចាកចេញជាបន្ទាន់ ឬការជម្លៀសចេញ។

នាថ្ងៃទី១៩ មិថុនា លោក Antonio Tajani រដ្ឋមន្ត្រីការបរទេសអ៊ីតាលី បាឲ្យដឹងថា ប្រទេសអ៊ីតាលីនឹងរក្សាស្ថានទូតរបស់ខ្លួនទាំងនៅទីក្រុង Tehran និង Tel Aviv ចំពេលមានជម្លោះដែលកំពុងបន្តរវាងអ៊ីរ៉ង់ និងអ៊ីស្រាអែល៕

តាម vovworld.vn