ជំរុញកិច្ចសហប្រតិបត្តិការលើការបណ្តុះបណ្តាល និងបំប៉នកម្មាភិបាល វៀតណាម-វេណេស៊ុយអេឡា

ពិភាក្សាអំពីកិច្ចសហប្រតិបត្តិការលើការបណ្ដុះបណ្ដាល និងបំប៉នមន្ត្រីរវាងប្រទេសទាំងពីរ លោក Nguyen Xuan Thang នាយកវិទ្យាស្ថាននយោបាយជាតិហូជីមិញ និងលោកស្រី Tatiana Pugh Moreno អនុរដ្ឋមន្ត្រីក្រសួងការបរទេសវេណេស៊ុយអេឡា បានឯកភាពជំរុញកិច្ចសហប្រតិបត្តិការលើវិស័យជាក់លាក់តាមកិច្ចព្រមព្រៀងដែលបានចុះហត្ថលេខា ដោយផ្តោតលើការបណ្តុះបណ្តាលមន្ត្រី ស្រាវជ្រាវ និងផ្តល់យោបល់លើគោលនយោបាយ។

លោកសាស្ត្រាចារ្យបណ្ឌិត Nguyen Xuan Thang ទទួលជួបលោកស្រី Tatiana Pugh Moreno អនុរដ្ឋមន្ត្រីក្រសួងការបរទេសវេណេស៊ុយអេឡា និងគណៈប្រតិភូ (រូបថត៖ vov.vn)

ថ្នាក់ដឹកនាំនៃវិទ្យាស្ថាននយោបាយជាតិហូជីមិញ បានសម្តែងនូវបំណងចង់ជំរុញគម្រោងសហប្រតិបត្តិការដូចជាកម្មវិធីស្រាវជ្រាវ ការស្ទង់មតិ និងការផ្លាស់ប្តូរប្រធានបទសម្រាប់ថ្នាក់ដឹកនាំ និងអ្នកគ្រប់គ្រងរបស់វេណេស៊ុយអេឡា។ លោក Nguyen Xuan Thang បានមានប្រសាសន៍ថា វិទ្យាស្ថានបច្ចុប្បន្នមានកម្មវិធីស្រដៀងគ្នាជាមួយប្រទេសគុយបា អង់ហ្គោឡា និងប្រទេសជាច្រើនទៀត។ លោកស្រី Moreno អនុរដ្ឋមន្ត្រីបានអះអាងពីការត្រៀមខ្លួនជាស្រេច ដើម្បីជំរុញការចាត់បញ្ជូនមន្ត្រី និងជំនាញការវេណេស៊ុយអេឡា ទៅកាន់វៀតណាម ដើម្បីសិក្សា និងលើកឡើងលទ្ធភាពនៃកិច្ចសហប្រតិបត្តិការពហុភាគីជាមួយគុយបា និងនីការ៉ាហ្គា ក្នុងកម្មវិធីបណ្តុះបណ្តាល៕

បកប្រែដោយ Huyen Trang