អគ្គលេខាបក្ស ប្រធានរដ្ឋចិនលោក Xi Jinping អញ្ជើញចាប់ផ្តើមដំណើរទស្សនកិច្ចផ្លូវរដ្ឋនៅវៀតណាម
នារសៀល ថ្ងៃទី១២ វិច្ឆិកា អគ្គលេខាគណៈកម្មាធិការមជ្ឈិមបក្សកុម្មុយនិស្តចិន និងជាប្រធានរដ្ឋចិន លោក Xi Jinping បានអញ្ជើញមកដល់ទីក្រុងហាណូយ ចាប់ផ្តើមដំណើរទស្សនកិច្ចផ្លូវរដ្ឋនៅវៀតណាមពីថ្ងៃទី១២ ដល់ថ្ងៃទី១៣ វិច្ឆិកា ឆ្នាំ២០១៧ តាមការអញ្ជើញរបស់អគ្គលេខាគណៈកម្មាធិការមជ្ឈិមបក្សកុម្មុយនិស្តវៀតណាម លោក Nguyen Phu Trong និងប្រធានរដ្ឋវៀតណាម លោក Tran Dai Quang។
អគ្គលេខាបក្ស ប្រធានរដ្ឋចិនលោក Xi Jinping អញ្ជើញចាប់ផ្តើមដំណើរទស្សនកិច្ចផ្លូវរដ្ឋនៅវៀតណាម
ដំណើរទស្សនកិច្ចរបស់អគ្គលេខាបក្ស និងជាប្រធានរដ្ឋចិន លោក Xi Jinping មកវៀតណាម បន្ទាប់ពីមហាសន្និបាតលើកទី១៩ របស់បក្សកុម្មុយនិស្តចិន គឺសំដៅពង្រឹងនិងពង្រីកការផ្លាស់ប្តូរគណៈប្រតិភូជាន់ខ្ពស់ បង្កើនទំនាក់ទំនងរវាងបក្សទាំងពីរ និងរដ្ឋទាំងពីរ ជាពិសេស ជម្រុញការផ្លាស់ប្តូរយុទ្ធសាស្ត្រ និងការជឿទុកចិត្តនយោបាយរវាងភាគីទាំងពីរ។ ដំណើរទស្សនកិច្ចនេះ ក៏បានរួមចំណែកពង្រឹងមនសិការរួម អំពីការត្រួតពិនិត្យល្អលើការខ្វែងគំនិត រួមគ្នារក្សាសន្តិភាព ស្ថិរភាពនៅលើសមុទ្រខាងកើត ដើម្បីសន្តិភាព ស្ថិរភាព កិច្ចសហប្រតិបត្តិការ ការអភិវឌ្ឍក្នុងតំបន់និងលើពិភពលោក៕
តាម vovworld.vn