បន្តសរសេរទំព័រថ្មីនៃប្រវត្តិសាស្ត្រវីរភាពក្នុងទំនាក់ទំនងសាមគ្គីភាព ជិតស្និទ្ធរវាងវៀតណាម-ឡាវ-កម្ពុជា

កប.អនឡាញ - ដោយមានសកម្មភាពសម្បូរបែប និងជាក់ស្តែងជាច្រើន ជំនួបប្រាស្រ័យមិត្តភាពការពារជាតិព្រំដែនវៀតណាម-ឡាវ-កម្ពុជា លើកទីមួយ បានប្រព្រឹត្តទៅនាថ្ងៃទី ១៤ ខែធ្នូ នៅចំណុចប្រសព្វនៃខ្សែព្រំដែនរវាងប្រទេសទាំងបី (ខេត្ត Kon Tum/ វៀតណាម ខេត្ត Attapeu/ឡាវ និងខេត្តរតនគិរី/កម្ពុជា)។  ជំនួបប្រាស្រ័យនេះ បានបន្សល់ទុកនូវចំណាប់អារម្មណ៍យ៉ាងជ្រាលជ្រៅអំពីចំណងសាមគ្គីភាព និងភាពស្មោះត្រង់យូរអង្វែងរវាងប្រទេសជិតខាងទាំងបី។

ជោគជ័យនៃជំនួបប្រាស្រ័យនេះ បានបង្ហាញយ៉ាងរស់រវើកនូវការប្តេជ្ញាចិត្តផ្នែកនយោបាយ ក្នុងការរក្សា និងពង្រីកទំនាក់ទំនងរវាងប្រទេសឥណ្ឌូចិនទាំងបី ដែលជាទ្រព្យសម្បត្តិរួមមិនអាចកាត់ថ្លៃបាន ដ៏ពិសិដ្ឋ និងរឹងមាំនៃប្រជាជាតិទាំងបី។ តាមការអះអាងរបស់លោកនាយឧត្តមសេនីយ៍ Phan Van Giang រដ្ឋមន្ត្រីក្រសួងការពារប្រទេសវៀតណាម ជំនួបប្រាស្រ័យមិត្តភាពការពារជាតិព្រំដែនវៀតណាម-ឡាវ-កម្ពុជា លើកទីមួយ គឺជាព្រឹត្តិការណ៍មួយ ដែលមានអត្ថន័យជាប្រវត្តិសាស្ត្រ ចូលរួមចំណែកយ៉ាងសំខាន់ក្នុងការបន្តសរសេរទំព័រថ្មីនៃប្រវត្តិសាស្ត្រវីរភាពរបស់ទំនាក់ទំនងប្រពៃណី សាមគ្គីភាព មិត្តភាព និងជិតស្និទ្ធរវាងប្រទេសទាំងបី។ កាសែតកងទ័ពប្រជាជនអនឡាញ សូមជូនរូបភាពមួយចំនួនអំពីជំនួបប្រាស្រ័យ៕

បកប្រែដោយ Thuy Anh

ព័ត៌មានទាក់ទង

• ខេត្ដ Soc Trang៖ បរិយាកាសយ៉ាងផុលផុសក្នុងការប្រណាំងទូក ង