បទយកការណ៍ជារូបភាព

យាមល្បាត ត្រួតពិនិត្យ និងអនុវត្តច្បាប់តាមបណ្តោយព្រំដែន

៦ មេសា ២០២៦ (16:54)

កប.អនឡាញ - ក្នុងការអនុវត្តភារកិច្ចយាមល្បាតចម្រុះយាមល្បាតទ្វាភាគីនៅក្នុងត្រីមាសទីមួយនៃឆ្នាំ២០២៦ បណ្តាអង្គភាពការពារព្រំដែនតាមបណ្តោយព្រំដែននានាបានសម្របសម្រួលជាមួយអង្គភាពគ្រប់គ្រងការពារព្រំដែននៃប្រទេសចិន ឡាវ និងកម្ពុជា ធ្វើការយាមល្បាត ត្រួតពិនិត្យខ្សែបន្ទាត់ព្រំដែន និងបង្គោលព្រំដែន ព្រមទាំងអប់រំប្រជាជននៅតាមព្រំដែនអំពីការគោរពច្បាប់ ការរក្សាសន្តិសុខ និងសណ្តាប់ធ្នាប់នៅតំបន់ព្រំដែន។ ដោយយកឈ្នះលើការលំបាកអំពីភូមិសាស្ត្រ និងអាកាសធាតុ ការយាមល្បាតត្រូវបានធ្វើឡើងក្នុងស្មារតីសាមគ្គីភាព ជឿទុកចិត្ត និងយល់ដឹងគ្នាទៅវិញទៅមក។ កម្មាភិបាល យុទ្ធជនអង្គភាពនានា បានបង្ហាញពីការទទួលខុសត្រូវ និងការសម្របសម្រួលយ៉ាងរលូនក្នុងការអនុវត្តភារកិច្ច ដែលរួមចំណែកដល់ប្រសិទ្ធភាពកាន់តែប្រសើរឡើងក្នុងការគ្រប់គ្រង និងការពារព្រំដែន៕ បកប្រែដោយ Duy Hoan

ភាពសប្បាយក្រៃលែងនៃទិវាបុណ្យធំនៅលើប្រជុំកោះ Truong Sa

១៦ មិនា ២០២៦ (20:10)
កប.អនឡាញ - នៅថ្ងៃទី១៥ ខែមីនា ប្រជុំកោះ Truong Sa ស្ថិតនៅតំបន់ពិសេស Truong Sa ក្នុងខេត្ត Khanh Hoa ប្រទេសវៀតណាម បានរៀបចំការបោះឆ្នោតជ្រើសរើសសមាជិករដ្ឋសភានីតិកាលទី ១៦ និងសមាជិកក្រុមប្រឹក្សាប្រជាជនគ្រប់លំដាប់ថ្នាក់សម្រាប់អាណត្តិ ២០២៦-២០៣១។ នេះជាលើកទីពីរហើយដែលប្រជុំកោះ Truong Sa បានរៀបចំការបោះឆ្នោតនៅថ្ងៃដដែលជាមួយមូលដ្ឋាននៅទូទាំងប្រទេស។ ក្នុងបរិយាកាសរីករាយ តាំងពីព្រលឹម កម្មាភិបាល យុទ្ធជន និងប្រជាជនរស់នៅ និងធ្វើការនៅលើកោះនេះ មានវត្តមាន នៅតំបន់បង្គោលអធិបតេយ្យភាព ដែលជាកន្លែងដាក់ហិបឆ្នោត។ ការបោះឆ្នោតត្រូវបានធ្វើឡើងដោយជោគជ័យ ដោយធានាបាននូវសុវត្ថិភាព។ សន្លឹកឆ្នោតដែលពាំនាំនូវជំនឿ និងការរំពឹងទុកលើអាណត្តិថ្មីជាមួយនឹងជ័យជម្នះថ្មីៗជាច្រើន ត្រូវបានបិទជិតយ៉ាងប្រុងប្រយ័ត្ន និងបញ្ជូនទៅដីគោកតាមបទប្បញ្ញត្តិ។ កាសែតកងទ័ពប្រជាជនសូមបង្ហាញរូបភាពមួយចំនួនពីព្រឹត្តិការណ៍នេះ៕ បកប្រែដោយ Thuy Anh

លាហើយស្រុកកំណើត ចាប់ផ្តើមដំណើរចូលបម្រើកងទ័ព

៥ មិនា ២០២៦ (18:50)
កប.អនឡាញ - ក្នុងឱកាសពិធីប្រគល់ និងទទួលកងទ័ពដែលបានប្រព្រឹត្តទៅនៅព្រឹកថ្ងៃទី ៤ ខែមីនា អ្នកយកព័ត៌មាននៃកាសែតកងទ័ពប្រជាជនបានឃើញរឿងរ៉ាវ និងរូបភាពដ៏ស្រស់ស្អាតជាច្រើន ដែលបង្ហាញយ៉ាងច្បាស់ពីការទទួលខុសត្រូវ និងមោទនភាពរបស់យុវជនដែលធ្វើដំណើរទៅចូលបម្រើកងទ័ព៕ បកប្រែដោយ Huyen Trang

និទាឃរដូវនៅតំបន់សេដ្ឋកិច្ចពិសេស Truong Sa

១៥ កុម្ភៈ ២០២៦ (20:07)
កប.អនឡាញ - សម្រាប់កងទ័ព និងប្រជាជននៅក្នុងតំបន់សេដ្ឋកិច្ចពិសេស Truong Sa ខេត្ត Khanh Hoa ភាគកណ្តាលវៀតណាមនៅពេលដែលកប៉ាល់មកពីដីគោកនាំយកទំនិញបុណ្យតេតមកកាន់កោះនេះ គឺមានន័យថានិទាឃរដូវបានមកដល់ហើយ។ កងទ័ព និងប្រជាជនទាំងអស់នៅទីនេះបានអបអរសាទរបុណ្យតេតក្នុងបរិយាកាសរីករាយ និងកក់ក្តៅ ក្នុងស្មារតីនៃ "ក្តីរីករាយនឹងនិទាឃរដូវ ដោយមិនភ្លេចកាតព្វកិច្ច"៕ បកប្រែដោយ Huyen Trang

សម្រស់នៃនិទាឃរដូវបង្កើតដោយទ័ពពិសេសនៃយោធភូមិភាគទី៩

២ កុម្ភៈ ២០២៦ (20:08)
កប.អនឡាញ - ក្នុងអំឡុងពេលប៉ុន្មានថ្ងៃនេះ រួមជាមួយកម្មាភិបាល និងយុទ្ធជននៃអង្គភាពក្រោមឱវាទកងកម្លាំងប្រដាប់អាវុធនៃយោធភូមិភាគទី៩ កងទ័ពប្រជាជនវៀតណាម យុទ្ធជននៃកងវរសេនាតូចទ័ពពិសេស បញ្ជាការដ្ឋានសេនាធិការនៃយោធភូមិភាគ កំពុងដាំ និងថែទាំផ្កា និងសួនបង្កបង្កើនផលយ៉ាងសកម្ម ដោយពង្រឹង និងតុបតែងទេសភាពបន្ទាយ ដើម្បីត្រៀមរៀបចំទទួលអំណរបុណ្យចូលឆ្នាំថ្មីប្រពៃណីវៀតណាម ឆ្នាំ២០២៦។ កាសែតកងទ័ពប្រជាជនសូមបង្ហាញដល់អ្នកអាននូវរូបថតមួយចំនួនអំពីការត្រៀមរៀបចំសម្រាប់ការទទួលអំណរបុណ្យចូលឆ្នាំថ្មីប្រពៃណីរបស់កម្មាភិបាល និងយុទ្ធជននៃកងវរសេនាធំទ័ពពិសេស បញ្ជាការដ្ឋានសេនាធិការនៃយោធភូមិភាគទី៩៕ បកប្រែដោយ Huyen Trang

រូបភាពមួយចំនួនពីសម័យប្រជុំបម្រុងនៃមហាសន្និបាតលើកទី១៤ របស់បក្ស

២០ មករា ២០២៦ (18:04)
កប.អនឡាញ - នាព្រឹកថ្ងៃទី១៩ ខែមករា សម័យប្រជុំបម្រុងនៃមហាសន្និបាតតំណាងទូទាំងប្រទេសលើកទី១៤ របស់បក្សកុម្មុយនិស្តវៀតណាម បានបើកនៅមជ្ឈមណ្ឌលសន្និសិទជាតិ នៅទីក្រុងហាណូយ។ លោក To Lam អគ្គលេខាបក្ស បានអញ្ជើញចូលរួមសម័យប្រជុំបម្រុងនេះ៕ បកប្រែដោយ Huyen Trang

ទីក្រុងហូជីមិញពោរពេញទៅដោយទង់ជាតិ និងផ្កាដើម្បីអបអរសាទរមហាសន្និបាតលើកទី ១៤ របស់បក្ស

១៥ មករា ២០២៦ (16:53)
កប.អនឡាញ - ដងផ្លូវកណ្តាលនៃទីក្រុងហូជីមិញក្នុងប៉ុន្មានថ្ងៃថ្មីៗនេះ ពោរពេញទៅដោយទង់បក្ស ទង់ជាតិ បដា និងពាក្យស្លោកដើម្បីអបអរសាទរមហាសន្និបាតលើកទី ១៤ របស់បក្ស។ បរិយាកាសនៃការឆ្ពោះទៅរកព្រឹត្តិការណ៍នយោបាយដ៏សំខាន់នេះរបស់ប្រទេសគឺជាក់ស្តែង ឱឡារឹក ប៉ុន្តែដ៏ជិតស្និទ្ធិ៕ បកប្រែដោយ Thanh Cong

ទីក្រុងបុរាណ Hoi An - ជាកន្លែងដែលបេតិកភណ្ឌវប្បធម៌លាយឡំជាមួយចង្វាក់ជីវិតសហសម័យ

១២ មករា ២០២៦ (16:47)
កប.អនឡាញ - ទីក្រុងបុរាណ Hoi An (សង្កាត់ Hoi An ទីក្រុង Da Nang) មិនត្រឹមតែល្បីល្បាញដោយស្ថាបត្យកម្មដ៏ពិសេស ដំបូលបុរាណលាយឡំជាមួយបរិយាកាសស្ងប់ស្ងាត់ប៉ុណ្ណោះទេ ដែលទីនេះក៏ត្រូវបានគេចាត់ទុកថាជា "សារមន្ទីររស់" ជាកន្លែងដែលបេតិកភណ្ឌវប្បធម៌ពិភពលោកត្រូវបានអភិរក្សក្នុងដង្ហើមនៃជីវិត។ តម្លៃនៃទីក្រុងបុរាណ Hoi An មិនត្រឹមតែបង្ហាញដោយវត្ដ Cau និងផ្ទះបុររាណដែលមានអាយុកាលរាប់រយឆ្នាំប៉ុណ្ណោះទេ ប៉ុន្តែថែមទាំងនៅក្នុងរបៀបរស់នៅ ភាពរួសរាយរាក់ទាក់របស់ប្រជាពលរដ្ឋ និងលំហវប្បធម៌ដ៏ស្ងប់ស្ងាត់ទៀតផង។ បកប្រែដោយ Pham Diep

ទីភ្នាក់ងារសារព័ត៌មានកម្ពុជាស្វែងយល់អំពីគំរូអភិវឌ្ឍន៍សេដ្ឋកិច្ច-សង្គមនៅខេត្ត Hung Yen

២៨ វិច្ឆិកា ២០២៥ (19:04)
កប.អនឡាញ - នាថ្ងៃទី ២៧ ខែវិច្ឆិកា ឆ្នាំ ២០២៥ គណៈប្រតិភូអ្នកយកព័ត៌មានទីភ្នាក់ងារសារព័ត៌មានកម្ពុជាបានទៅទស្សនា និងស្វែងយល់អំពីការអនុវត្តបច្ចេកវិទ្យាឌីជីថលក្នុងការគ្រប់គ្រងអាជ្ញាធរមូលដ្ឋានពីរកម្រិតនៅខេត្ត Hung Yen ភាគខាងជើងវៀតណាម៕ បកប្រែដោយ Huyen Trang

ខិតខំយកឈ្នះយ៉ាងឆាប់ៗលើគ្រោះទឹកជំនន់ដ៏កាចសាហាវជាប្រវត្តិសាស្រ្ត

២៦ វិច្ឆិកា ២០២៥ (16:40)
កប.អនឡាញ - នាប៉ុន្មានថ្ងៃថ្មីៗនេះ កម្មាភិបាល និងយុទ្ធជនជាង ២០,០០០ នាក់នៃស្ថាប័ន និងអង្គភាពនានាក្នុងយោធភូមិភាគទី៥ នៃកងទ័ពប្រជាជនវៀតណាម នៅតែសហការជាមួយគណៈកម្មាធិការបក្ស អាជ្ញាធរ និងកងកម្លាំងមានសមត្ថកិច្ច ដើម្បីគាំទ្រ និងជួយប្រជាជននៅក្នុងខេត្ត Gia Lai ខេត្ត Dak Lak និងខេត្ត Khanh Hoa ភាគកណ្តាលវៀតណាម យកឈ្នះលើផលវិបាកនៃគ្រោះមហន្តរាយធម្មជាតិ ដោយជួយឲ្យជីវភាពរស់នៅរបស់ប្រជាជនមានស្ថិរភាព។ នៅលើគ្រប់ផ្លូវ និងភូមិនីមួយៗ សុទ្ធតែមានរូបភាពនៃស្នាមជើងរបស់កងទ័ព និងកងជីវពល៕ បកប្រែដោយ Thuy Anh

ពិព័រណ៍សរទរដូវឆ្នាំ២០២៥៖ កន្លែងប្រមូលផ្តុំពណ៌របស់បណ្ដាជនជាតិ

៣ វិច្ឆិកា ២០២៥ (16:24)
កប.អនឡាញ - ពិព័រណ៍សរទរដូវឆ្នាំ២០២៥ នៅមជ្ឈមណ្ឌលពិព័រណ៍ជាតិ (ឃុំ Dong Anh ទីក្រុងហាណូយ) មិនត្រឹមតែជាព្រឹត្តិការណ៍ជម្រុញពាណិជ្ជកម្មកម្រិតជាតិប៉ុណ្ណោះទេ ប៉ុន្តែវាក៏ជាកន្លែងប្រមូលផ្តុំ និងផ្សព្វផ្សាយតម្លៃវប្បធម៌ និងពណ៌របស់បណ្ដាជនជាតិវៀតណាមផងដែរ។ នៅទីនេះ អ្នកអាចជួបជាមួយជនរួមជាតិនៃបណ្ដាជនជាតិដែលមានលក្ខណៈវប្បធម៌ពិសេស ជាមួយភោគផលដ៏សម្បូរបែបរបស់មូលដ្ឋាននិមួយៗ៕ បកប្រែដោយ Thuy Anh

1 2 3 4 5

កម្មវិធី វីដេអូ