បទយកការណ៍ជារូបភាព

"ពេជ្រ" ធម្មជាតិនៃឆ្នេរសមុទ្រ Hon Khoi

១៩ ឧសភា ២០២៥ (17:09)

កប.អនឡាញ - Hon Khoi (នៅទីរួមខេត្ត Ninh Hoa ខេត្ត Khanh Hoa) មិនត្រឹមតែជាតំបន់ទេសចរណ៍ដ៏ល្បីល្បាញប៉ុណ្ណោះទេ ថែមទាំងជាទឹកដីដែលល្បីល្បាញជាមួយវាលស្រែអំបិលដ៏ធំបំផុតនៅតំបន់ភាគកណ្តាលវៀតណាមទៀតផង។ ការធ្វើអំបិលបានផ្សារភ្ជាប់ជាមួយនឹងជីវភាពរស់នៅរបស់ប្រជាជនក្នុងតំបន់ជាយូរមកហើយ។ ធ្វើដំណើរតាមដងផ្លូវមាត់សមុទ្រកាត់តាមឃុំ Ninh Tho ទៅកាន់សង្កាត់ Ninh Diem, Ninh Hai, Ninh Thuy នៃទីរួមខេត្ត Ninh Hoa ភ្ញៀវទេសចរអាចឃើញឃ្លាំងអំបិលយ៉ាងងាយស្រោបដោយកម្មករអំបិលគ្របដណ្ដប់នៅវាលស្រែ។ រដូវធ្វើអំបិលចាប់ផ្តើមពីខែមករា ដល់ខែកក្កដាជារៀងរាល់ឆ្នាំ។ ដើម្បីប្រមូលផលគ្រាប់អំបិលពណ៌សធំៗ មានរសជាតិឆ្ងាញ់ ពេលវេលាល្អបំផុតគឺចាប់ពីខែមេសា ដល់ខែមិថុនា។ កាសែតកងទ័ពប្រជាជនសូមណែនាំដល់មិត្តអ្នកអាននូវរូបភាពមួយចំនួនរបស់កម្មករអំបិលនៅតំបន់ឆ្នេរសមុទ្រ Hon Khoi (នៅទីរួមខេត្ត Ninh Hoa ខេត្ត Khanh Hoa) ក្នុងថ្ងៃប្រមូលផលអំបិល៕ បកប្រែដោយ Huyen Trang

រូបភាពគួរឲ្យចាប់អារម្មណ៍របស់ក្រុមបេសកកម្មនៃកងទ័ពប្រជាជនវៀតណាមដែលចូលរួមក្នុងពិធីព្យុហយាត្រានៅទីលានក្រហម

១១ ឧសភា ២០២៥ (17:48)
កប.អនឡាញ - តបតាមការអញ្ជើញរបស់ក្រសួងការពារជាតិនៃសហព័ន្ធរុស្ស៊ី ចាប់ពីថ្ងៃទី ២៣ ខែមេសា ដល់ថ្ងៃទី ១០ ខែឧសភា ក្រសួងការពារប្រទេសវៀតណាមបានបញ្ជូនគណៈប្រតិភូកម្មាភិបាល និងយុទ្ធជនចំនួន ៨៦ នាក់ទៅកាន់ទីក្រុងមូស្គូ ដើម្បីហ្វឹកហាត់ និងចូលរួមពិធីព្យុហយាត្រានៅទីលានក្រហម ក្នុងឱកាសរំលឹកខួបលើកទី ៨០ នៃទិវាជ័យជំនះក្នុងសង្គ្រាមការពារជាតិដ៏មហិមា (ថ្ងៃទី៩ ខែឧសភា ឆ្នាំ១៩៤៥ / ថ្ងៃទី៩ ខែឧសភា ឆ្នាំ២០២៥)។ ការដែលសហព័ន្ធរុស្ស៊ីអញ្ជើញក្រុមបេសកកម្មនៃកងទ័ពប្រជាជនវៀតណាមចូលរួមព្រឹត្តិការណ៍ដ៏សំខាន់នេះ មិនត្រឹមតែបង្ហាញពីការវាយតម្លៃខ្ពស់ចំពោះតួនាទីរបស់វៀតណាមប៉ុណ្ណោះទេ ថែមទាំងបង្ហាញយ៉ាងរស់រវើកនូវទំនាក់ទំនងមិត្តភាពជាប្រពៃណី និងភាពជាដៃគូយុទ្ធសាស្ត្រគ្រប់វិស័យរវាងប្រទេសទាំងពីរ ជាពិសេសក្នុងកិច្ចសហប្រតិបត្តិការលើវិស័យការពារជាតិ។ នេះក៏ជាលើកដំបូងហើយដែលវៀតណាមបញ្ជូនក្រុមបេសកកម្មទៅចូលរួមពិធីព្យុហយាត្រានៅបរទេស ក្នុងបំណងអនុវត្តគោលនយោបាយការបរទេសឯករាជ្យ ភាពខ្លួនទីពឹងខ្លួន ពហុភាគីភាវូបនីយកម្ម និងពិពិធកម្ម បង្ហាញពីការទទួលខុសត្រូវរបស់វៀតណាមក្នុងការកសាង និងរក្សាបរិយាកាសសន្តិភាព ស្ថិរភាព កិច្ចសហប្រតិបត្តិការ និងអភិវឌ្ឍន៍។ ស្មារតីហ្វឹកហ្វឺន ភាពរូសរាយរាក់ទាក់ និងមិត្តភាពរបស់កងទ័ពលោកអ៊ំ ហូ បានផ្សព្វផ្សាយរូបភាពដ៏ស្រស់ស្អាតនៃកងទ័ពប្រជាជនវៀតណាមក្រោមក្រសែភ្នែករបស់មិត្តអន្តរជាតិ។ កាសែតកងទ័ពប្រជាជនវៀតណាមសូមបង្ហាញរូបភាពគួរឲ្យចាប់អារម្មណ៍មួយចំនួនរបស់កងទ័ពប្រជាជនវៀតណាមក្នុងរយៈពេលហ្វឹកហាត់ និងការចូលរួមពិធីព្យុហយាត្រានៅទីលានក្រហម៖ បកប្រែដោយ Thuy Anh

រូបភាពមួយចំនួននៅក្នុងពិធីព្យុហយាត្រាដើម្បីអបអរសាទរទិវាជ័យជំនះនៅប្រទេសរុស្ស៊ី

១០ ឧសភា ២០២៥ (17:51)
កប.អនឡាញ - ពិធីព្យុហយាត្រាប្រព្រឹត្តទៅនៅម៉ោង ១០៖០០ ព្រឹកថ្ងៃទី ៩ ឧសភា ម៉ោងនៅទីក្រុងម៉ូស្គូ (ម៉ោង ២ រសៀលថ្ងៃដដែល ម៉ោងនៅវៀតណាម) នៅទីលានក្រហម ដើម្បីរំលឹកខួបលើកទី ៨០ នៃជ័យជំនះលើហ្វាស៊ីស ក្នុងសង្គ្រាមការពារជាតិដ៏មហិមា។ ពិធីព្យុហយាត្រាឆ្នាំនេះត្រូវបានវាយតម្លៃថាមានទ្រង់ទ្រាយធំជាងឆ្នាំ ២០២៥ ជាមួយនឹងវត្តមានរបស់យុទ្ធជនរាប់ពាន់នាក់ រួមជាមួយនឹងរថក្រោះ កាំជ្រួច យន្តហោះចម្បាំង និងឧបករណ៍យោធា រួមទាំងម៉ូដែលពីសម័យសង្គ្រាមការពារជាតិដ៏មហិមា និងម៉ូដែលទំនើបៗ។ កាសែតកងទ័ពប្រជាជនអនឡាញ សូមណែនាំរូបថតមួយចំនួននៅក្នុងព្រឹត្តិការណ៍នេះ៕ បកប្រែដោយ Huyen Trang

ត្រៀមខ្លួនជាស្រេចការពារយ៉ាងរឹងមាំនូវអធិបតេយ្យភាពសមុទ្រ និងកោះនៃមាតុភូមិ

៧ ឧសភា ២០២៥ (19:07)
កប.អនឡាញ - ដោយត្រូវបានបង្កើតឡើងនៅក្នុងការតស៊ូប្រឆាំងអាមេរិករបស់ប្រជាជនវៀតណាមបានឈានចូលដល់ដំណាក់កាលដ៏លំបាក កងទ័ពជើងទឹកបានកសាងផង និងប្រយុទ្ធ ហើយសម្រេចបាននូវជ័យជំនះជាច្រើនផង ដែលរួមចំណែកយ៉ាងសំខាន់ក្នុងបុព្វហេតុរំដោះជាតិ បង្រួបបង្រួមប្រទេសជាតិ កសាង និងការពារមាតុភូមិ។ មិនថាក្នុងភ្លើងសង្រ្គាម ឬក្នុងសន្តិភាព និងឯករាជ្យភាពនោះទេ គុណសម្បត្តិនៃ "កងទ័ពលោក អ៊ំ ហូ - យុទ្ធជនកងទ័ពជើងទឹក" ភ្លឺស្វាងជានិច្ច និងសក្តិសមជាកម្លាំងស្នូល ដើម្បីការពារអធិបតេយ្យភាពសមុទ្រ និងកោះដ៏ពិសិដ្ឋនៃមាតុភូមិ៕ បកប្រែដោយ Huyen Trang

ទីក្រុង Dien Bien អភិវឌ្ឍពីមួយថ្ងៃទៅមួយថ្ងៃ

៧ ឧសភា ២០២៥ (19:07)
កប.អនឡាញ - ក្រោយរយៈពេល ៧១ ឆ្នាំចាប់តាំងពីជ័យជំនះ Dien Bien Phu គណៈកម្មាធិការបក្ស អាជ្ញាធរ និងបងប្អូនបណ្តាជនជាតិនៃខេត្ត Dien Bien បានបង្កើតជីវភាពរស់នៅប្រកបដោយសម្បូរធូធារ និងសុភមង្គលកាន់តែខ្លាំងឡើងពីមួយថ្ងៃទៅមួយថ្ងៃ។ ជាពិសេស ហេដ្ឋារចនាសម្ព័ន្ធ ទេសភាព និងតំបន់កេរ្តិ៍ដំណែលប្រវត្តិសាស្ត្ររបស់ខេត្ត កាន់តែធំទូលាយ និងស្អាត ដែលទាក់ទាញភ្ញៀវទេសចរយ៉ាងច្រើនកុះករ៕ បកប្រែដោយ Huyen Trang

រូបភាពគួរឲ្យចាប់អារម្មណ៍របស់ក្រុមបេសកកម្មនៃកងទ័ពប្រជាជនវៀតណាមដែលចូលរួមក្នុងពិធីព្យុហយាត្រាលើទីលានក្រហម

៦ ឧសភា ២០២៥ (17:12)
កប.អនឡាញ - នាថ្ងៃទី ៥ ខែឧសភា ក្រុមបេសកកម្មនៃកងទ័ពប្រជាជនវៀតណាមចូលរួមក្នុងពិធីព្យុហយាត្រាលើទីលានក្រហម បានបន្តហ្វឹកហាត់នៅទីស្នាក់នៅរបស់ពួកគេ។ នាថ្ងៃនេះ អាកាសធាតុនៅទីក្រុងមូស្គូ (សហព័ន្ធរុស្ស៊ី) ត្រជាក់ខ្លាំង ព្រិលបានរលាយ ប៉ុន្តែខ្យល់បក់ខ្លាំង។ ក្នុងកិច្ចប្រជុំដកបទពិសោធន៍ពីការហ្វឹកហ្វឺន និងការត្រួតពិនិត្យជាបឋមនៅទីលានក្រហម លោកវរសេនីយ៍ឯក Nguyen Hong Truong អនុប្រធានក្រុមបេសកកម្ម បានវាយតម្លៃថា រហូតមកដល់ពេលនេះ ផែនទាំងឡាយរបស់ក្រុមបេសកកម្មបានដើរព្យុហយាត្រាតាមបញ្ជាដែលរៀបចំដោយគណៈកម្មការរៀបចំពិធីព្យុហយាត្រា បង្ហាញពីកម្លាំង និងឆន្ទៈរបស់កងទ័ពប្រជាជនវៀតណាម។ ប៉ុន្តែ ផែនទាំងឡាយត្រូវបានរក្សាចម្ងាយស្មើគ្នាពីផែនផ្សេងទៀត។ ទោះបីហ្វឹកហាត់ក្នុងលក្ខណៈខ្យល់បក់ខ្លាំងក៏ដោយ ក៏អ្នកកាន់ទង់ជាតិត្រូវប្រើកម្លាំងបន្ថែមទៀតដើម្បីកាន់ទង់ជាតិឲ្យត្រង់ និងបក់រវិកៗ។ កាសែតកងទ័ពប្រជាជនសូមបង្ហាញរូបភាពមួយចំនួនរបស់ក្រុមបេសកកម្មនៃកងទ័ពប្រជាជនវៀតណាមក្នុងរយៈពេលហ្វឹកហាត់ និងពេលសម្រាក៕ បកប្រែដោយ Thuy Anh

ប្រជាជនក្នុងពិធីរំលឹកខួបលើកទី ៥០ នៃទិវារំដោះភាគខាងត្បូង និងបង្រួបបង្រួមប្រទេសជាតិ

១ ឧសភា ២០២៥ (16:37)
កប.អនឡាញ - ពិធីរំលឹកខួបលើកទី ៥០ នៃទិវារំដោះភាគខាងត្បូង និងបង្រួបបង្រួមប្រទេសជាតិ គឺជាព្រឹត្តិការណ៍ពិសេសមួយដែលត្រូវបានរង់ចាំពីប្រជាជនទូទាំងប្រទេស។ ប្រជាជនជាច្រើននាក់បានមកផ្លូវ Nam Ky Khoi Nghia, Le Loi, Nguyen Hue, ផ្សារ Ben Thanh ឬកំពង់ផែ Bach Dang... ចាប់ពីរសៀលថ្ងៃទី ២៩ ខែមេសា ហើយបានស្នាក់នៅពេញមួយយប់ដើម្បីតាមដានការដង្ហែក្បួនព្យុហយាត្រា។ អតីតយុទ្ធជនជាច្រើននាក់ដែលបានចូលរួមក្នុងយុទ្ធនាការទីក្រុងហូជីមិញ មកពីបណ្តាខេត្តភាគខាងជើង បានមានវត្តមានក្នុងឱកាសរំលឹកខួបអនុស្សាវរីយ៍។ ដោយមិនគិតពីអាយុ ឬការងារ ប្រជាជនគ្រប់រូបមានជំនឿដូចគ្នាក្នុងការស្រឡាញ់មាតុភូមិ និងមានបំណងប្រាថ្នាចង់ក្លាយជាផ្នែកមួយនៃពិធីរំលឹកអនុស្សាវរីយ៍ដ៏សំខាន់របស់ប្រទេស៕ បកប្រែដោយ Huyen Trang

អបអរសាទរខួបលើកទី ៥០ ទិវាបង្រួបបង្រួមប្រទេសជាតិ៖ កងយោធពលខេមរភូមិន្ទ និងកងទ័ពប្រជាជនឡាវ ធ្វើសមយុទ្ធនៅខេត្ត Binh Duong

២២ មេសា ២០២៥ (16:54)
កប.អនឡាញ - កម្មាភិបាល និងកងទ័ពនៃកងទ័ពប្រជាជនឡាវ និងកងយោធពលខេមរភូមិន្ទ នាថ្ងៃទី២១ ខែមេសា បានមកដល់ខេត្ត Binh Duong (វៀតណាម) ដើម្បីចូលរួមការហ្វឹកហ្វឺន ត្រៀមរៀបចំសម្រាប់ព្យុហយាត្រាដើម្បីអបអរសាទរខួបលើកទី ៥០ ទិវារំដោះភាគខាងត្បូង និងបង្រួបបង្រួមប្រទេសជាតិ (ថ្ងៃទី៣០ ខែមេសា ឆ្នាំ១៩៧៥ / ថ្ងៃទី៣០ ខែមេសា ឆ្នាំ២០២៥)។ ការចូលរួមព្យុហយាត្រានៃគណៈប្រតិភូកងទ័ពនៃប្រទេសទាំងពីរ តបតាមការអញ្ជើញរបស់ក្រសួងការពារប្រទេសវៀតណាម បង្ហាញពីចំណងសាមគ្គីភាព និងមិត្តភាពរវាងប្រទេសទាំងបី ហើយក៏ជាឱកាសដើម្បីចែករំលែកសេចក្តីសប្បាយរីករាយជាមួយប្រជាជនវៀតណាមក្នុងបុព្វហេតុតស៊ូដើម្បីឯករាជ្យជាតិ។ ក្រៅពីសមាសភាព អង្គភាព និងកងកម្លាំងប្រដាប់អាវុធប្រជាជនវៀតណាម ពិធីព្យុហយាត្រាឆ្នាំនេះក៏មានការចូលរួមពីគណៈប្រតិភូកងទ័ពនៃប្រទេសចិន ឡាវ និងកងយោធពលខេមរភូមិន្ទផងដែរ។ នេះជាលើកដំពូងហើយដែលវៀតណាមបានរៀបចំពិធីព្យុហយាត្រាដោយមានការចូលរួមពីផែនយោធាបរទេស លើកកម្ពស់សារៈសំខាន់នៃកិច្ចការបរទេស និងបញ្ជាក់ពីទំនាក់ទំនងសហប្រតិបត្តិការលើវិស័យការពារជាតិកាន់តែជិតស្និទ្ធរវាងបណ្តាប្រទេស៕ បកប្រែដោយ Thanh Cong

រូបភាពមួយចំនួននៅក្នុងជំនួបប្រាស្រ័យមិត្តភាពការពារជាតិព្រំដែនវៀតណាម-ចិនលើកទី ៩

១៨ មេសា ២០២៥ (17:37)
កប.អនឡាញ - ជំនួបប្រាស្រ័យមិត្តភាពការពារជាតិព្រំដែនវៀតណាម-ចិនលើកទី៩ បានប្រព្រឹត្តទៅចាប់ពីថ្ងៃទី១៦ ដល់ថ្ងៃទី១៧ ខែមេសា នៅខេត្ត Lang Son (វៀតណាម) និងតំបន់ស្វយ័ត Zhuang ខេត្ដ Guangxi (ប្រទេសចិន) ក្រោមការដឹកនាំរបស់លោកនាយឧត្តមសេនីយ៍ Phan Van Giang សមាជិកការិយាល័យនយោបាយ អនុលេខាគណៈកម្មាធិការបក្សយោធាមជ្ឈិម រដ្ឋមន្ត្រីក្រសួងការពារប្រទេសវៀតណាម និងលោកឧត្តមសេនីយ៍ឯក Dong Jun សមាជិកគណៈកម្មាធិការមជ្ឈិមបក្សកុម្មុយនិស្តចិន រដ្ឋមន្ត្រីក្រសួងការពារជាតិចិន។ បន្ទាប់ពីរយៈពេលពីរថ្ងៃ ជំនួបប្រាស្រ័យបានបញ្ចប់ដោយជោគជ័យជាមួយនឹងសកម្មភាពជាច្រើនដ៏មានអត្ថន័យ និងជាក់ស្តែង តាមរយៈនោះ ពង្រឹងទំនាក់ទំនងមិត្តភាព សាមគ្គីភាព ជំរុញកិច្ចសហប្រតិបត្តិការជាក់ស្ដែងរវាងកងកម្លាំងការពារព្រំដែន អាជ្ញាធរមូលដ្ឋាន និងប្រជាជននៅតំបន់ព្រំដែនវៀតណាម និងចិន រួមចំណែកកសាងព្រំដែនប្រកបដោយសន្តិភាព មិត្តភាព ស្ថិរភាព កិច្ចសហប្រតិបត្តិការ និងការអភិវឌ្ឍ។ កាសែតកងទ័ពប្រជាជនសូមបង្ហាញរូបភាពមួយចំនួននៅជំនួបប្រាស្រ័យមិត្តភាពការពារជាតិព្រំដែនវៀតណាម-ចិនលើកទី ៩៕ បកប្រែដោយ Thuy Anh

អបអរសាទរខួបលើកទី ៥០ នៃទិវារំដោះភាគខាងត្បូងវៀតណាម និងបង្រួបបង្រួមជាតិ

១៣ មេសា ២០២៥ (17:09)
កប.អនឡាញ - ប៉ុន្មានថ្ងៃនេះ នៅកណ្តាលទីក្រុងហូជីមិញ ហាក់ដូចជាត្រូវបានផ្លាស់អាវថ្មីពណ៌ស្រស់ស្អាតឆើតឆាយ ដោយគ្រប់ទីកន្លែងត្រូវបានតុបតែងលំអដោយផ្ទាំងប៉ាណូ និងពាក្យស្លោកធំៗអបអរសាទរខួបលើកទី៥០ នៃទិវារំដោះភាគខាងត្បូង និងបង្រួបបង្រួមជាតិ (ថ្ងៃទី ៣០ ខែមេសា ឆ្នាំ១៩៧៥ / ថ្ងៃទី ៣០ ខែមេសា ឆ្នាំ២០២៥)។ ទន្ទឹមនឹងនោះ នៅតាមទីសាធារណៈ សារមន្ទីរ... ប្រជាជនបានដើរលេងតាមដងផ្លូវយ៉ាងសប្បាយរីករាយ ថតរូបទុកជាអនុស្សាវរីយ៍ ស្វាគមន៍យ៉ាងសប្បាយរីករាយចំពោះទិវាបង្រួបបង្រួមជាតិ។ ស្ថាប័ន អង្គភាព និងសាលារៀន ក៏រៀបចំកម្មវិធី និងសកម្មភាពវប្បធម៌ សិល្បៈ ការផ្លាស់ប្តូរ និងរៀនពីប្រពៃណី និងពូនជ្រំស្មារតីស្នេហាជាតិសម្រាប់មនុស្សជំនាន់ក្រោយ៕ បកប្រែដោយ Huyen Trang

ត្រៀមខ្លួនជាស្រេចហ្វឹកហ្វឺនរួមគ្នា

៧ មេសា ២០២៥ (20:07)
កប.អនឡាញ - រថភ្លើងដឹកកងកម្លាំងចូលរួមដង្ហែក្បួនព្យុហយាត្រាយោធា ក្នុងពិធីរំលឹកខួបលើកទី ៥០ នៃទិវារំដោះភាគខាងត្បូងវៀតណាម និងបង្រួបបង្រួមជាតិ (ថ្ងៃទី ៣០ ខែមេសា ឆ្នាំ ១៩៧៥ / ថ្ងៃទី ៣០ ខែមេសា ឆ្នាំ ២០២៥) ដែលហែរក្បួនពីខាងជើងទៅភាគខាងត្បូង បានមកដល់ស្ថានីយ៍ Bien Hoa (ខេត្ត Dong Nai) ក្នុងថ្ងៃទី៥ និងថ្ងៃទី៦ ខែមេសាប្រកបដោយសុវត្ថិភាព និងទទួលបានការស្វាគមន៍យ៉ាងកក់ក្តៅពីស្ថាប័ន អង្គភាពយោធា អាជ្ញាធរ និងប្រជាជនខេត្ត Dong Nai។ កម្លាំងទាំងអស់ទទួលបានរៀបចំឱ្យមានកន្លែងស្នាក់នៅសមរម្យនៅបន្ទាយនៃអង្គភាពចំណុះយោធភូមិភាគទី៧ អង្គទ័ពលេខ៣៤ និងប្រភេទទ័ពការពារដែនអាកាស - ទ័ពជើងអាកាស ដើម្បីរៀបចំ និងត្រៀមខ្លួនជាស្រេចសម្រាប់ដំណាក់កាលហ្វឹកហ្វឺនរួមគ្នាបន្ទាប់៕ បកប្រែដោយ Huyen Trang

1 2 3 4 5

កម្មវិធី វីដេអូ