កប.អនឡាញ - នាថ្ងៃទី ១៩ សីហា ក្រុមប្រកួតទាំងអស់នៃកងទ័ពប្រជាជនវៀតណាមដែលចូលរួមក្នុងព្រឹត្តិការណ៍ Army Games 2019 បានវិលត្រឡប់មកទីក្រុងហាណូយវិញបន្ទាប់ពីបញ្ចប់ការប្រកួតកីឡាយោធាអន្ដរជាតិប្រកបដោយជោគជ័យដែលរៀបចំដោយសហព័ន្ធរុស្ស៊ីនិងប្រទេសចំនួន ៩ ទៀត។ គួររំលឹកថា មុននោះក្រុមកងវិស្វកម្មឈ្នះមេដាយសំរឹទ្ធ និងក្រុមបាញ់ស៊ីបឈានចូលជុំទី ២ ក៏បានវិលត្រឡប់មកមាតុប្រទេសវិញ។
លោកឧត្តមសេនីយ៍ត្រី Nguyen Khac Nam មេបញ្ជាការកងឯកភាពទ័ពជំនាញ និងលោកវរសេនីយ៍ឯក Nguyen Duc Dinh ប្រធាននយោបាយកងឯកភាពទ័ពជំនាញរថក្រោះនិងរថពាសដែកនិងកម្មាភិបាលជាច្រើនរូបទៀតបានរៀបចំពិធីទទួលស្វាគមន៍ក្រុមរថក្រោះវៀតណាមនៅអាកាសយានដ្ឋានអន្តរជាតិ Noi Bai ទីក្រុងហាណូយ។ ក្រុមរថក្រោះបានទទួលរង្វាន់លេខ ២ ក្នុងវិញ្ញាសារថក្រោះចល័តបាញ់គោលដៅ។
នេះជាលើកទី២ ហើយដែលគណៈប្រតិភូកងទ័ពប្រជាជនវៀតណាមបានទៅចូលរួមព្រឹត្តិការណ៍ Army Games និងទទួលបានលទ្ធផលល្អបើធៀបនឹងលើកដំបូង។ ក្រុមទាំងអស់បានឆ្លងផុតជុំដំបូងនិងដណ្ដើមបានរង្វាន់ រួមចំណែកបញ្ជាក់ពីកម្លាំងខ្លាំងរបស់កងទ័ពប្រជាជនវៀតណាមក្នុងការប្រកួតអន្តរជាតិ។ កាសែតកងទ័ពប្រជាជនអនឡាញសូមផ្សាយរូបថតអំពីក្រុមមួយចំនួននៃកងទ័ពប្រជាជនវៀតណាមនៅអាកាសយានដ្ឋានអន្តរជាតិ Noi Bai និងរូបថតក្នុងពិធីប្រគល់រង្វាន់ដូចខាងក្រោម៖
បកប្រែដោយ Pham Diep
Type the code from the image