មនុស្សជិត ៤០ នាក់បានស្លាប់ក្នុងការវាយប្រហាររបស់អ៊ីស្រាអែលលើតំបន់ហ្គាហ្សា នៅថ្ងៃដំបូងនៃពិធីបុណ្យ Eid al-Adha

រីឯខ្លួនវិញ កងទ័ពអ៊ីស្រាអែលបានប្រកាសថា ទាហាន ៤ នាក់បានស្លាប់ និង ៥ នាក់ផ្សេងទៀតរងរបួសនៅក្នុងការបំផ្ទុះមួយ ដែលសង្ស័យថាបានធ្វើឡើងដោយក្រុមហាម៉ាសនៅទីក្រុង Khan Younis នៅភាគខាងត្បូងតំបន់ហ្គាហ្សា នៅព្រឹកថ្ងៃដដែល។ នេះគឺជាការខូចខាតដ៏ធ្ងន់ធ្ងរបំផុតដែលត្រូវបានបញ្ជាក់ដោយកងទ័ពអ៊ីស្រាអែលនៅតំបន់ហ្គាហ្សា ចាប់តាំងពីកងកម្លាំងនេះ បានបន្តវាយលុកលើតំបន់ហ្គាហ្សានៅថ្ងៃទី ១៨ ខែមីនា ដើម្បីបង្ក្រាបក្រុមហាម៉ាស់។

ផ្សែង និងភ្លើងហុយឡើងក្នុងការវាយប្រហាររបស់អ៊ីស្រាអែលលើតំបន់ហ្គាហ្សា (រូបថត៖ រ៉យទ័រ)

នៅក្នុងការវិវឌ្ឍពាក់ព័ន្ធមួយ កងទ័ពលីបង់កាលពីថ្ងៃទី ៦ មិថុនា បានថ្កោលទោសការវាយប្រហារតាមផ្លូវអាកាសរបស់អ៊ីស្រាអែលលើតំបន់ជាយក្រុងភាគខាងត្បូងនៃទីក្រុង Beirut នៅថ្ងៃទី ៥ ខែមិថុនា ហើយបានព្រមានថា ខ្លួនអាចផ្អាកកិច្ចសហប្រតិបត្តិការជាមួយគណៈកម្មាធិការត្រួតពិនិត្យបទឈប់បាញ់រវាងអ៊ីស្រាអែល និងក្រុមហេសបូឡា។ ទន្ទឹមនឹងនេះ លោក Israel Katz រដ្ឋមន្ត្រីការពារជាតិអ៊ីស្រាអែល បានព្រមានថា ប្រទេសរបស់លោកនឹងបន្តវាយប្រហារលើប្រទេសលីបង់រហូតដល់ពេលដែលក្រុមហេសបូឡាត្រូវបានដកហូតអាវុធ ហើយបានចាត់ទុកថា រដ្ឋាភិបាលលីបង់ត្រូវទទួលខុសត្រូវចំពោះការទប់ស្កាត់ការរំលោភបំពានលើបទឈប់បាញ់ និងរាល់អំពើភេរវកម្មប្រឆាំងនឹងអ៊ីស្រាអែល៕

តាម vovworld.vn