កិច្ចប្រជុំមហាសមុទ្រអង្គការសហប្រជាជាតិលើកទី៣៖ រំពឹងថា នឹងបង្កើតចំណុចរបត់មួយក្នុងកិច្ចការពារសមុទ្រ

គោលដៅនៃកិច្ចប្រជុំនេះគឺសម្រេចបានការឯកភាពជាសកល និងកៀរគរមូលនិធិសម្រាប់ការអភិរក្សសមុទ្រ ក្នុងបរិបទនៃប្រទេសជាច្រើននៅតែមិនចុះចម្រុងគ្នាលើការជីកយករ៉ែនៅសមុទ្រជ្រៅ កាកសំណល់ប្លាស្ទិក និងការនេសាទលើសចំណុះ។

កិច្ចប្រជុំមហាសមុទ្ររបស់អង្គការសហប្រជាជាតិឆ្នាំ២០២៥ (រូបថត៖ UNOC)

តាមគម្រោង ប្រទេសម្ចាស់ផ្ទះត្រូវបានរំពឹងថា នឹងស្វាគមន៍មេដឹកនាំជាតិ និងរដ្ឋាភិបាលប្រមាណ ៧០ នាក់ ក្នុងនោះមានលោក Pham Minh Chinh នាយករដ្ឋមន្ត្រីវៀតណាម នៅទីក្រុង Nice។ កិច្ចប្រជុំនេះក៏មានវត្តមានមេដឹកនាំធុរកិច្ច ម្ចាស់ជំនួយអន្តរជាតិ និងសកម្មជនបរិស្ថានសមុទ្រផងដែរ។ មុនពេលកិច្ចប្រជុំ សិក្ខាសាលាវិទ្យាសាស្ត្រមួយនឹងប្រព្រឹត្តទៅដោយមានការចូលរួមពីអ្នកជំនាញមហាសមុទ្រប្រហែល ២.០០០ នាក់។ ប្រទេសបារាំងសន្យាថា កិច្ចប្រជុំនេះនឹងដើរតួនាទីនៃ "កិច្ចព្រមព្រៀងទីក្រុងប៉ារីស" ក្នុងវិស័យអភិរក្សមហាសមុទ្រ។

នៅក្នុងកិច្ចប្រជុំនោះ ប្រទេសនានាត្រូវបានគេរំពឹងថានឹងអនុម័តឯកសារមួយហៅថា "សេចក្តីប្រកាសទីក្រុង Nice" ដែលបង្ហាញពីការគាំទ្រសម្រាប់ការបង្កើនការការពារមហាសមុទ្រ រួមជាមួយនឹងការប្តេជ្ញាចិត្តបន្ថែមពីរដ្ឋាភិបាលនីមួយៗ៕

តាម vovworld.vn