រុស្ស៊ីប្រឆាំង​ជំទាស់នឹងសំណើធ្វើវិសោធនកម្មផែនការសន្តិភាព ខណៈដែលអ៊ុយក្រែនបោះបង់ចោលគោលដៅចូល​រួមណាតូ

ថ្លែងទៅកាន់អ្នកយកព័ត៌មាននៅថ្ងៃទី ១៤ ខែធ្នូ លោក Yuri Ushakov ជំនួយការប្រធានាធិបតីរុស្ស៊ី បានឲ្យដឹងថា រុស្ស៊ីមិនទាន់ទទួលបានសំណើទាំងនោះទេ ប៉ុន្តែបានអះអាងថា រុស្ស៊ីនឹងមិនទទួលយកការធ្វើវិសោធនកម្មដែលផ្ទុយនឹងគោលជំហររបស់ខ្លួនដែលបានបញ្ជាក់ម្តងហើយម្តងទៀតនោះទេ។ លោកជំនួយការប្រធានាធិបតីរុស្ស៊ីក៏បានអះអាងថា ការដែលអ៊ុយក្រែនក្លាយជាសមាជិកនៃអង្គការណាតូ គឺ "មិនអាចទៅរួចទេ"។

លោក Volodymyr Zelensky ប្រធានាធិបតីអ៊ុយក្រែន (រូបថត៖ vnanet.vn)

នាថ្ងៃដដែលនោះ លោក Volodymyr Zelensky ប្រធានាធិបតីអ៊ុយក្រែន បានប្រកាសថា អ៊ុយក្រែនបានបោះបង់ចោលគោលដៅចូលរួមជាសមាជិកណាតូ ជាថ្នូរនឹងការធានាសន្តិសុខពីលោកខាងលិច ដោយចាត់ទុកនេះជាការសម្របសម្រួលដើម្បីបញ្ឈប់ជម្លោះជាមួយរុស្ស៊ី។ កាយវិការនេះក៏បានបំពេញសំណើមួយរបស់រុស្ស៊ីផងដែរ ទោះបីជាទីក្រុងគៀវបានបញ្ជាក់ថា ខ្លួននៅតែប្រកាន់ខ្ជាប់នូវគោលជំហររបស់ខ្លួនលើបញ្ហាផ្សេងទៀតដែលទាក់ទងនឹងដំណើរការសន្តិភាពក៏ដោយ។

ក្នុងពេលនោះ នៅថ្ងៃទី១៤ ខែធ្នូ ការចរចារវាងគណៈប្រតិភូសហរដ្ឋអាមេរិក និងអ៊ុយក្រែន ដើម្បីពិភាក្សាអំពីវិធានការដោះស្រាយជម្លោះរុស្ស៊ី-អ៊ុយក្រែន បានបន្តប្រព្រឹត្តទៅនៅទីក្រុងប៊ែរឡាំង ប្រទេសអាល្លឺម៉ង់។ សំណើជាក់លាក់មិនទាន់ត្រូវបានប្រកាសនៅឡើយទេ ខណៈពេលដែលអឺរ៉ុប និងអ៊ុយក្រែនបន្តពិគ្រោះយោបល់លើខ្លឹមសារនៃផែនការសន្តិភាពដែលស្នើឡើងដោយសហរដ្ឋអាមេរិក៕

តាម vovworld.vn