ជម្លោះហាម៉ាស - អ៊ីស្រាអែល៖ មាន​មនុស្ស​យ៉ាងហោចណាស់ ១៥ នាក់បានស្លាប់ក្នុងការវាយប្រហាររបស់អ៊ីស្រាអែលលើទីក្រុង Rafah

នៅមានមនុស្សជាច្រើនបានជាប់គាំងនៅក្រោមគំនរបាក់បែក ហើយកម្លាំងជួយសង្គ្រោះកំពុងព្យាយាមស្វែងរក និងជួយសង្គ្រោះមនុស្សទាំងនេះ។ លើសពីនេះ យោងតាមការស្ថិតិរបស់ប៉ាឡេស្ទីន កងទ័ពអ៊ីស្រាអែលបានសម្លាប់ជនជាតិប៉ាឡេស្ទីន ៦៦នាក់ ក្នុងរយៈពេល ២៤ម៉ោងកន្លងមកនេះ។

ផ្ទះសម្បែងត្រូវបានបំផ្លាញ បន្ទាប់ពីការវាយប្រហារផ្លូវអាកាសរបស់អ៊ីស្រាអែលលើទីក្រុង Deir el-Balah តំបន់ហ្គាហ្សា កាលពីថ្ងៃទី២៤ ខែមេសា ឆ្នាំ២០២៤ (រូបថត៖ vnanet.vn)

ទន្ទឹមនឹងនេះ ប្រព័ន្ធផ្សព្វផ្សាយអ៊ីស្រាអែល នាថ្ងៃទី ២៨ ខែមេសា បានរាយការណ៍ថា ប្រធានអ័យ្យករនៃតុលាការយុត្តិធម៌អន្តរជាតិ (ICJ) នៅទីក្រុង Laye ប្រទេសហូឡង់ ទំនងជាបានអនុម័តលើការសម្រេចចិត្ត ចាប់ខ្លួននាយករដ្ឋមន្ត្រី រដ្ឋមន្ត្រីការពារជាតិ និងប្រធានសេនាធិការកងទ័ពអ៊ីស្រាអែល ដោយមានការចោទប្រកាន់ពាក់ព័ន្ធនឹងសង្រ្គាមនៅតំបន់ហ្គាហ្សា។ ការចេញដីកាចាប់ខ្លួនគឺជាបញ្ហាពេលវេលាប៉ុណ្ណោះ។ អ៊ីស្រាអែលកាលពីថ្ងៃទី ២៨ ខែមេសា បានចេញបទបញ្ជាបន្ទាន់ដល់ស្ថានទូតអ៊ីស្រាអែលទាំងអស់នៅជុំវិញពិភពលោក ឱ្យចាត់វិធានការជាបន្ទាន់ រួមទាំងការពង្រឹងសន្តិសុខ ដើម្បីទប់ទល់នឹងហានិភ័យនៃការផ្ទុះឡើងរលកស្អប់ខ្ពើម និងអរិភាពប្រឆាំងនឹងជនជាតិអ៊ីស្រាអែល និងជនជាតិជ្វីហ្វ បន្ទាប់ពីតុលាការអន្តរជាតិបានចេញដីកាចាប់ខ្លួនមន្ត្រីអ៊ីស្រាអែល ពាក់ព័ន្ធជម្លោះនៅតំបន់ហ្គាហ្សា៕

តាម vovworld.vn