ទីភ្នាក់ងារសារព័ត៌មាន ABC បានដកស្រង់ប្រសាសន៍របស់មន្ត្រីអាមេរិកម្នាក់ថា កាលពីយប់មិញ (ថ្ងៃទី១៨ ខែមេសា ម៉ោងក្នុងស្រុក) មីស៊ីលរបស់អ៊ីស្រាអែល បានវាយប្រហារលើទីតាំងមួយនៅអ៊ីរ៉ង់។ ទីភ្នាក់ងារសារព័ត៌មាន Fars របស់អ៊ីរ៉ង់ក៏បានរាយការណ៍ថា ការបំផ្ទុះដ៏ខ្លាំងមួយត្រូវបានស្ដាប់នៅឯអាកាសយានដ្ឋានមួយក្នុងទីក្រុង Isfahan ភាគកណ្តាលអ៊ីរ៉ង់ ប៉ុន្តែមូលហេតុមិនទាន់ត្រូវបានកំណត់ឡើយ។ បច្ចុប្បន្ន ជើងហោះហើរមួយចំនួនត្រូវបានស្នើឱ្យបង្វែរចេញពីដែនអាកាសអ៊ីរ៉ង់។ ទន្ទឹមនឹងនេះ ទីភ្នាក់ងារសារព័ត៌មានអ៊ីរ៉ង់ IRNA បានរាយការណ៍ថា ប្រទេសនេះបានដំណើរការប្រព័ន្ធការពារដែនអាកាសនៅក្នុងទីក្រុងជាច្រើនបន្ទាប់ពីការផ្ទុះនៅជិតទីក្រុង Isfahan ។ ទូរទស្សន៍រដ្ឋអ៊ីរ៉ង់បាននិយាយថា ទីតាំងនុយក្លេអ៊ែរនៅក្នុងខេត្ត Isfahan មិនរងផលប៉ះពាល់ឡើយ។
សហគមន៍អន្តរជាតិកំពុងអំពាវនាវឱ្យភាគីទាំងអស់អត់ធ្មត់ និងជៀសវាងការកើនឡើងនូវភាពតានតឹងនៅក្នុងតំបន់ផងដែរ៕
តាម vovworld.vn
Type the code from the image