កូរ៉េខាងត្បូងវិនិច្ឆ័យថា កូរ៉េខាងជើងបាញ់មីស៊ីលផ្លោងរយៈចម្ងាយខ្លីចំនួន ២ គ្រាប់
យោងតាមការវិនិច្ឆ័យរបស់ក្រុមប្រឹក្សាសេនាធិការចម្រុះកូរ៉េខាងត្បូង (JCS) ថា កូរ៉េខាងជើងហាក់ដូចជាបានបាញ់បង្ហោះមីស៊ីលផ្លោងរយៈចម្ងាយខ្លីចំនួន ២ គ្រាប់ ឆ្ពោះទៅសមុទ្រជប៉ុន នាព្រឹកថ្ងៃទី ២៩ ខែមីនា។
|
|
កូរ៉េខាងត្បូងវិនិច្ឆ័យថា កូរ៉េខាងជើងបាញ់មីស៊ីលផ្លោងរយៈចម្ងាយខ្លីចំនួន ២ គ្រាប់ |
នេះជាការបាញ់បង្ហោះវត្ថុហោះហើរដែលមិនស្គាល់អត្តសញ្ញាណថ្មីបំផុតដែលកូរ៉េខាងជើងបានអនុវត្តន៍។ JCS បានយល់ឃើញថា មីស៊ីលទាំងពីរនេះ ហោះបានចម្ងាយប្រហែល ២៣០ គីឡូម៉ែត្រ និងហោះដល់ចម្ងាយអតិបរមាគឺ ៣០ គីឡូម៉ែត្រ។ បច្ចុប្បន្នមន្រ្តីស៊ើបការណ៍សម្ងាត់អាមេរិកនិងកូរ៉េខាងត្បូងកំពុងវិភាគទិន្នន័យដើម្បីកំណត់ព័ត៌មានលម្អិតនៃការបាញ់បង្ហោះនេះ ។
ទន្ទឹមជាមួយគ្នានោះ JCS ក៏បានចេញសេចក្តីថ្លែងការណ៍មួយដោយអំពាវនាវឲ្យកូរ៉េខាងជើងបញ្ឈប់រាល់សកម្មភាពបែបនេះជាបន្ទាន់ក្នុងបរិបទដែលពិភពលោកទាំងមូលកំពុងឆ្លងកាត់ដំណាក់កាលដ៏លំបាកដើម្បីទប់ទល់នឹងការរីករាលដាលនៃជំងឺ COVID-19 នាបច្ចុប្បន្ននេះ៕
តាម vovworld.vn